Tuesday, February 27, 2007

أفيدوني أفادكم الله

تحديث : تم تعديل البريد الالكتروني لمكتب اليونسكو برام الله كذلك تم تصحيح اسم السيد مدير عام اليونسكو بالرسالة





نختلف في حكمنا علي الأمور !! هذه حقيقة .. نختلف في تحديد أولوياتنا !! هذه حقيقة أيضا !! هل نتفق علي الديموقراطية؟ كلا لا نتفق أيضا !! هل نتفق علي شرع الله؟ كلا أيضا لا نتفق .. هل هناك شيئا واحد من الممكن أن نتفق عليه؟ الإجابة نعم ... الموت
دائما ما أذهب إلي هذه النتيجة عندما نناقش قضايا من أمثال قضية عبد الكريم عامر وهند الحناوي و هالة سرحان وتامر حسني وأمثال هذه القضايا التي تشغل الرأي العام لفترة طويلة ويؤمن البعض أن الخوض في هذه القضية هو قمة الشرف سواء كان مع هذا الفريق أو مع الفريق الآخر ... كل يتحمس ويهلل وصيحات هنا وصيحات هناك !! أليس مخزيا أن تشغل تلك القضايا كل تلك المساحة من وقتنا وتفكيرنا؟ في الوقت الذي يذبح يوميا قرابة الثلاثمائة عراقي يوميا ويشرف متطرفي حاخامات اليهود في فلسطين علي هدم المسجد الأقصى!!
كريم كفر .. ما يكفر ولا يسلم لا هيزيد ولا هينقص من الإسلام ..
هند الحناوي أتطلقت .. ما تطلق ولا تتجوز وانا مالي!!
هالة سرحان طلعت نصابة ... النيابة بتحقق وهتاخد جزائها!
تامر حسني بطل العبور .. علي نفسه برضه
يا أخوانا أكتر من نص مليون عراقي اتدبحوا في أربع سنين !!
المسجد الأقصى لسه بيتجرف تحت أساساته !!
طب هنعمل أيه؟ .. جهاد اليكتروني زي مكنت أسمع الكلمة دي واضحك زمان؟
من مدة ليست بعيدة
مدون جزائري عمل حملة لتغيير قانون ونجح
نجرب؟ ونشوف صوتنا هيوصل لفين؟؟
طيب أيه رأيكم السبت القادم 3 مارس يوافق ذكري الأحداث التالية: 1949 - اعتراف الأمم المتحدة بدولة إسرائيل ، 1982 - قدمت مجموعة من الشباب اليهودي المتدينين على اقتحام المسجد الأقصى عبر باب الغوانمة, فتصدى لهم الحراس المسلمون وأصيب أحدهم, ولما حضرت الشرطة الإسرائيلية اعتقلت الحارس المصاب واستجوبت الحراس الآخرين ،. 2005 - افتتاح مصلى يهودي جديد جنوبي حائط البراق لليهود المحافظين يكرس السيطرة على المسجد الأقصى.

بأقترح نبعث في اليوم ده (3 مارس) رسالة إلي اليونسكو لتخصيص لجنة دائمة لمراقبة والحفاظ علي المسجد الأقصى (كأثر تاريخي)وفقا لاتفاقية حماية التراث الثقافي والطبيعي أسوة بحملتهم للحفاظ علي أصنام أفغانستان وننشر نسخة من الرسالة دي علي كافة مدواناتنا ومنتدياتنا ومجموعاتنا البريدية. مع العلم أنهم بالفعل قرروا إرسال
بعثة تقصي للحقائق يوم 23 فبراير .

مكتب اليونسكو برام الله:
b.lamine@unesco.org
Mr Bechir Lamine مدير مكتب اليونسكو برام الله
مكتب اليونسكو بجنيف:
geneva@unesco.org

ولو نجحنا وقدرنا نحرك الجبال بصوتنا نعمل يوم تاني للتضامن مع حقن دماء العراق فدم الانسان أعظم حرمة.
ممكن أعرف رأيكم وهل دي أولوياتكم زي ما هي أولوياتي ولا أنا غلطان والأولي أشغل بالي بكريم وهالة وهند وتامر؟
أفيدوني أفادكم الله
________
تحديث
نص الرسالة المقترحة:
Mr. Koïchiro Matsuura
Unesco GM
Dear Sir,
We acknowledge and appreciate your great efforts to protect and save the priceless human heritage all over the world. Recently, we read that a group of professional investigators has been sent by the Unesco to Jerusalem to investigate the situation of Israeli excavations at the area of Al Masjed Al Aqsa, which we have a big concern that this may affect the foundations and lead to buildings collapse for one of the most important historic elements of this area and allover the world.
We do support your efforts and your investigation group and looking for assigning a permanent chamber near this area to monitor, announce and stop any trial to destroy our heritage either for political or religion reasons.
Thank you and best regards,
Sincerely,
-----

78 comments:

شادي فايد said...

هو احنا مهتمين بحالنا
ومصالحنا لما نهتم
بحال غيرنا

يا سيدي

ماشي نسمع كلامك
ولما نشوف

شخبطة ملوكى said...

اخى العزيز ايمن قاسم
اولا الموضوع كبير جدا و مهم جدا ولا يستطيع احد انكار ذلك ومعك اضع يدى فى يدك لتنفيذ اقتراحك الرائعو على الاقل لنقلل ولو قليلا وجع القلب ووخز الضمير بداخلنا و نبرئ ساحتنا امام الله
ثانيا اخى العزيز انا لست معك فى التقليل من حجم القضايا الاخرى التى تصب فى قناة افساد الشباب و المجتمع فالرسول عليه الصلاة و السلام بغزوة بدر فى اعداد صفوف الجيش ترك المعركة ليضبط صفوف الجنود ووقف حتى اعتدل الجيش فالصغائر مهما قل تاثيرها هى من مهالك الشعوب و التفريط فى الصغير يجعلنا بسهولة نفرط فى الامور العظيمة

دعوتك الرائعة نحن معك بها وياريت نبعت نفس الصيغة و نتفق على نفس الرسالة لتوحيد الكلمة
فهل نطمع فى صيغة موحده؟

طارق المملوك

Pakinam Nasser said...

انا كمان معاكم طبعا ،
انا مؤمنة ان اى خطوة حتى لو كانت صغرة ممكن تكون مؤثرة جدا ، الله اعلم يمكن كلامنا ده يكون مؤثر و نقدر نفيد الاقصى

ياسمين said...

أشجعك على هذه الخطوة واتضامن معك

وشكرا لإهتمامك بأمور الآخرين

لكن أحب اقولك برضه ان مش احنا اللى بنحط قواعد لعبة السياسة فى الاخر

عموما مش هنخسر حاجة .. وربنا معانا

بنوتة من وسط البلد said...

انا مؤمنة جدا بدور نشطاء الانترنت فى احداث رد فعل على المجتمع وهذا لمسته فى العديد من القضايا السابقة وكفايا علينا موضوع ما يدعى كريم عامر ليكون اكبر دليل على تاثير الانترنت على اجهزة الدولة والعالم العربي

وبماان موعد الهجوم سرى للغاية ولن يفصح عنه حتى لو كلفتنا ارواحنا

نشوفكوا يوم السبت القادم فى تمام الساعة السابعة صباحا
:)

بارك الله ليك وعليك يا اميرالاى قاسم

قاسم أفندي said...

شادي وياسمين
مستغرب كلامكم هو المسجد الأقصى ودماء العراقيين مش جزء من حالنا؟هل تمثل هذه العناصر جزء من الآخر؟ صدقوني يمكن في فلسطنيين سفلة وعراقيين سفاحين بس للأسف الضحية هو الشخص العادي الغلبان
أنا باحب مصر ومش هازود عليكم في حب بلدي بس حبي لاخواني في العراق وحبي للمسجد الأقصى لا ينقص شئ من حبي لبلدي ولو قدرنا نثبت أن لينا صوت في دي الناس يمكن تسمعلنا بعد كده في أمور تانية كتير.. مين عارف
في ترتيب أولويات الأنسان تأتي الغرائز الأساسية في المقدمة وهي الأكل ثم الجنس واذا لم يلبي الانسان عرائزه هذه فهو علي الأقل يكون مشوش الفكر فهل وصلنا لهذه الدرجه بالفعل؟ مظنش
المسجد الأقصى وأخواننا في الانسانية يجب أن يظلوا في مقدمة اهتماماتنا حتي لو جعنا
وزي منتم قلتم مش هنخسر حاجه أما نجرب

قاسم أفندي said...

طارق
في مقدمة الموضوع أشرت إلي هذا الاختلاف في وجهات النظر ولكن نتفق جميعا علي حقيقة واحدة وهي الموت .. وعندما يموت المسجد الأقصى أو يقتل أكثر من نصف مليون عراقي في أربع سنوات فقط أعتقد أن هذه مأساة كبري لا تقارن بما ذكرته من قضايا
أشكرك لملاحظتك بخصوص الرسالة .. تم أضافتها الي المدونة ولو لك أي ملاحظات أتمني أعرفها

قاسم أفندي said...

باكي وبنوتة
أشكركم جدا علي تشجعيكم وانشاء الله وبفضله ننجح ونقدر نسمع صوتنا وياريت نبتدي من النهاردة ومن خلال الايميل والمدونات ننشر الموضوع ونلم في صفنا أكبر عدد ممكن

رانيا naughty_gana said...

معك يدا فى يد و الى الجهاد
بجد فعلا انا مش بتريق فعلا لو قدرنا نعمل حاجة و نكسر حاجز الخوف و القلق و نعمل حاجة فى دنيتنا دى لعل و عسى نغير شوية من الواقع المرير الى احنا عايشيين فيه
بس ادم الكل فى ايد واحدة هنعمل كل حاجة ان شاء الله
الى القاء يوم السبت باذن الله بس بلاش موضوع الساعة 7 الصبح دة ممكن ناخرة شوية ؟

شادي فايد said...

لالالالالالالالالا

انت مفهمتنيش

انا اقصد بحالنا

حالي انا

انا مش مهتم بحالي انا

ده حال المصريين

ومعاك
انشاء الله

Sampateek said...

جميل جدا طبعا معاكم
خطوة ايجابية فعلا مش بس كلام و بوستات و بس لا كمان تحرك

صحيح ممكن محدش يسال فينا بس يكفينا شرف المحاولة



تنفع زعيم

:)

تحياتي

Sampateek said...

انا نشرت الفكرة و انت كمان حاول تنشرها في المدونات

ايدك معانا

ربنا كريم

hamasat said...

لقد قمت بعمل نسخة من البوست الجميل وارسلتها لكل من اعرف واتصلت بهم لارسالها لمن يعرفون حتي تصل لاكبر عدد ممكن ان شاء الله ولي عتاب بسيط للاخ شادي يا عزيزي دي مش حال غيرنا دي حالنا وصميم حالنا وعقيدتنا ودينا ومقدساتنا ان كنا فقدنا نخوتنا في الغيرة عليها وتنصلنا من مسئوليتنا بهافنعم علينا السلام وسيسوء حالنا اكثر واكثر واعلم انك ومن مثلك في التفكير اذا كان هذا همهم فسينصلح حالهم في باقي الامور كلها
وايضا للاخت ياسمين اقول لك لا قواعد العبه يضعها اناس عاديين مثلنا مش من كوكب تاني ولا يملكون اي شئ اكثر منا سوي!!!!!معايير القوة وهي العلم والمال والتخطيط الجيد وهو اهمهم العبه محتاجه بس اننا نفهمها ونفهم ازاي نلعبها صح ونخطط لها واعلموا ما يصيب جارك اليوم قد يصيبك غدا وتذكروا مقولة اكلت يوم اكل الثور الابيض

قاسم أفندي said...

شادي
أشكرك علي مشاركتك معانا وفي انتظار أشوف البوست بتاعك عن الموضوع ده
ولو اني مش مفهمتش برضه قصدك ايه؟ ياريت لو توضح اكتر
________
الزعيمة سمباتيك
أشكرك وبعدين متنسيش انك بتشاركيني الزعامة وبجد انبسطت جدا لما دخلت عندك ولقيت الموضوع وخصوصا اني عارف مدونتك بتسمع أد أيه
______________
همسات
متشكر جدا مجهودك ومشاركتك معانا
واعتقد ان شادي وياسمين مكنوش يقصدوا بالظبط اللي انتي فهمتيه .. برضه الرسائل القصيرة دي مش بتوضح كل حاجه وكفاية انهم يشتركوا معانا ومقتنعين باللي بيعملوه .. الناس دي بجد بتحب البلد وأنا متأكد أن أي حد بيحب البلد دي عنده نخوة وكرامة وكرامة الأقصى والعراق جزء لا يتجزأ من كرامتنا .. ومصر هتفضل طول عمرها كبيرة العرب مهما عدى عليها

smraa alnil said...

قاسم افندي
انا معاكم ان شاء الله ويارب صوتنا يوصل
ومش نلاقي العصايا في وشنا بتهمة انقلاب السياسة العليا

Sampateek said...

نا حاسة بالعجز و بان مليش دور و اني بصرخ و انا خرساء اساسا

و الحملة بتاعتك حسستني اني ممكن يكون لي دور
الفكرة فكرتك يا ريس

عملت فورمات و صلحت الاسم
معلش العتب على النظر
:))
خالص تحياتي

Mohamed Hashem said...

أنا عن نفسى ح اشارك و ابعت الرسالة..أهو يبقى اسمى عملت حاجه بدل ما أنا قاعد ما ليش لزمه..


يارب ألحق أحط الدعوة فى البلوج بتاعى
تحياتى

شمس الدين said...

انا طبعا معاكم

و ان شاء الله نعمل حملة واسعة في كل المجموعات البريدية اللي بنشترك فيها ...

و ياريت لي يقدر نعمل بانز بسيط للحملة و ننزلة كلنا يومها ... بس ياريتك كنت تقول هقبلها بفترة علشان الدعايا و الناس تلحق تسمع بالموضوع

و انا علي مدونتي هعمل بردوا موضوع بس بعد كام ساعة علشان نازلة دلوقتي

الامر اهم من حسالة الاخبار اللي الناس مهتميين بيها ...

المشكلة ان الناس فقدت انه يكون عندها حلم ... بس طالما اللي زي حضرتك يا استاذ قاسم موجودين ... و زي المدونين و المدونات الشرفاء موجودين ... ممكن نعمل حاجة و حاجة مش قليلة ...

فكرة اكثر من رائعة بجد

مع خالص تحياتي :)

قاسم أفندي said...

سمراء النيل - أنجي
أشكرك ومتقلقيش هما بياخدو الزعيم بس وبعدين الموضوع بجد مفيهوش أي حاجه تعمل مشاكل أنا راعيت ده كويس عشان الكل يشترك دي رسالة تأييد لليونسكو ولو شايفه ان فيها حاجه قولي لي ونغيرها سوا
________________

سمباتيك
متحاوليش تفلفصي هتشرفي معايا في لاظوغلي انشاء الله .. ماهو يانعيش عيشة فل يا نموت احنا الكل شوفي سمرا بتقول ايه وانتي جايه تشاوري عليا وتقولي الزعيم اهو .. حرام عليكو انا عندي عيال
:)))))))
_____________________

محمد هاشم
أشكرك يا باشا ومتأكد أنك هتطلع بحاجه جامده زي عوايدك
في انتظارك
___________________

شمس الدين
أشكرك لتلبية الدعوة وفي انتظار البوست بتاعك
انا للاسف مفهمش في موضوع البانرز دي فاللي يعرف يبعتلي ويقولي بتشتغل ازاي ولو فيه عندك أي اقتراح او تعديل يسعدني اني اسمعه ونتناقش فيه
سعيد جدا بتشريفك ليا يا ربة السيف والقلم

شــــمـس الديـن said...

انا جيت من برا :)

البانر دا يا اخي الكريم عبارة عن زي ما تقول ايقونة مميزة للموضوع ... زي مثلا شعار اللي بيشطب علي بنت خليعة و بيقول ( egypt is not like that )

او مثلا الشعار التاني بتاع مدونون من اجل الحرية او ادون لحقوق الانسان او الاخوان المسلمون او ما الي ذلك من شعارات
البانر بقي دا بيتميز انه عريض يعني ينفع عنوان مدونة و ممكن نخلي خلفيتة مثلا العراق و فيها نقطة دم او خريطة العراق و كلها حمراء كنايا عن الدماء مثلا التي اريقت

انا للاسف الشديد لسة مفرمتين الكمبيوتر و اغلب البرامج و الصور اللي كانت عندي و ممكن تنفع في الموضوع دا اتشالت ... بس احنا ممكن نعمل اي صورة و خلاص و نكتب ما تريد علي ان نضع الدعوة اننا نرسل الامر لليونسكو في اخر البوست

تسمح لي اني اخد اليوست بتاعتك و اني ارسلها علي الجروب بتاعة الدفعو بتاعتي ؟؟؟
لان اسلوبك ماشاء الله جميل بجد

ALiaa said...

أنا هبعت ان شاء الله

قاسم أفندي said...

شمس الدين
أشكرك علي المعلومات بس برضه معرفش أعملها ، عموما الرسالة لوحدها كفاية وكفاية ان الشباب كلهم موافقين وهيبعتوا انشالله
______________
علياء
يسعدني تلبيتك للدعوة
منوراني ويارب اشوفك هنا كتير

أميرة البلطجية said...

وانا معاكم ان شاء الله

بعدك على بالى said...

عملا بمبدأ أضعف الايمان، فلم نعد نملك غيره


تحياتى على المبادرة

Hannoda said...

أنا زعلانة اني جيت متأخر و عرفت القصة ده من أريدك أنثى
معاك طبعا

Hannoda said...

يعني المطلوب مننا ننشر الرسالة ده على مدوناتنا بكرة؟؟

أنا بجد سعيده جدا ان فيه فرصة ان الواحد يعمل حاجة عشان اللي بيحصل ده

Epitaph said...

يلا ربنا معانا

ان شاء الله

قاسم أفندي said...

أميرة
بعدك علي بالي
Epitaph
أشكركم لمشاركتكم وروحكم الطيبة وربنا يوفقنا وصوتنا يوصل ... أنا والله متفائل
تحياتي لكم جميعا

MAKSOFA said...

انا موافقه وحا ابعت انا كمان

قاسم أفندي said...

هنوده
معلش لسه ملحوقة حتي لو حد مسمعش لسه وبعت الاحد ولا الاثنين مش مشكلة خلي رسائلنا متواصلة لحد ما نوصل لهدفنا
المطلوب لو تحبي تنزلي بوست عندك عن الموضوع وتبعتي الرسالة المكتوبة بالانجليزي في البوست بتاعي علي الايميلات بتاعت اليونسكو المكتوبة برضه في البوست
أشكرك

واحـــد مـــــن الـنـــاس said...

ربنا يكتر من امثالك يا اخي
ادي الرجالة ولا بلاش


انا معاكم ان شاء الله

أنـــــــــــــــس said...

فكرة ممتازة جداا

كلنا معاك في التنفيذ

بارك الله فيك اخي الكريم

وفي أمثالك

Sampateek said...

حلو البانر يا قاسم بس كبير حبتين انا حطيت واحد لنفس الموقع بس صغير


العزيزة عـلا - من غـزة
http://fromghazza.blogspot.com/
اللي ادتهولي
حاولت احط الكود في الكومنت معرفتش رفض
ادخل مدونتها و خذ الكود لو حبيت
ربنا يكرمنا جميعا و يجعل عملنا خالصا لوجهه

fares said...

انتا جميل جدا واسلوبك رائع اوي ياريت تشرفني علي مدونتي اوك

webyassine said...

معكم بمدونتي...معكم بكل ما أستطيع فعله!

Sharm said...

انا لسة جاي من عند سمباتيك
انا فعلا بعت الايميل

جزاك الله خيرا

Gid-Do - جدو said...

قاسم افندى

انا ارسلت الرسالة الى العنوانين ـ العنوان الاتى وصلنى الرد الاتى

The original message was received at Sat, 3 Mar 2007 00:30:48 +0200 (EET)
from bay0-omc2-s5.bay0.hotmail.com [65.54.246.141]

----- The following addresses had permanent fatal errors -----
unesco@palnet.com
(reason: 550 Unrouteable address)

----- Transcript of session follows -----
... while talking to mail.palnet.com.:
>>> DATA
<<< 550 Unrouteable address
550 5.1. unesco@palnet.com... User unknown
<<< 503 valid RCPT command must precede DATA

ومعنى هذا ان العنوان فية سبب معين يجعلة يرفض الرسائل

the other address: geneva@unesco is ok
ـ تحياتى

farida said...

قاسم افندي
احترامي الشديد لك
انا نوهت عندي
و ارسلت

احييك بشده

raspoutine said...

علم ونفذ يا قاسم افندى
وربنا يجمعنا فى الخير
وشكرا لتذكيرك لينا بواجبنا تجاه العروبه والاسلام وكل الاديان السماويه
وبكره يا قاسم ان شاء الله هيبقى


اكيد احلى

طبيب نفسى said...

وهل افادت تلك الاعمال الاستفزازية والعشوائية من قبل التيارات المتاسلمة والارهابية سوى المزيد من العداء ضد المسلمين فى كل مكان
متى يتعلم المسلمون احترام حقوق الاخرين وكيفية التعامل مع العالم المتحضر
هل هى محاولة للتشهير باسرائيل والتغطية على الجرائم التى يرتكبها عملاء ايران من حزباللة والحمساوية ضد الابرياء

طبيب نفسى said...

http://tawaseen.blogspot.com/2006/12/blog-post.html
تحليل عميق لمحاولة فهم ظاهرة التغلغل الشيعى فى مصر عن طريق جواسيس حزباللة

zordeak said...

معاك طبعا يا باشا

والحملة فعلا لازم تتنشر فى المدونات وفى الايميلات وكل اللى نقدر علييييييه

انا عايز بس اقولك حاجة

الايميل الاولانى بتاع رام الله مش شغال

جربت ابعتله منفعش

حاول تعمل تحديث وتشيله من البوست

بتاع جنيف هو اللى شغال

انا كمان خدت النص بتاعك وحطيته عندى فى المدونة

ويا ريت فعلا ربنا يكرمنا وتيجى بنتيجة

وشكرا

el2ahwagi said...

ana ba3att, el e-mail elli 3ala Gneva ra7 elli f ramallah rege3li error



----- The following addresses had permanent fatal errors -----
unesco@palnet.com
(reason: 550 Unrouteable address)

----- Transcript of session follows -----
... while talking to mail.palnet.com.:
>>> DATA
<<< 550 Unrouteable address
550 5.1.1 unesco@palnet.com... User unknown
<<< 503 valid RCPT command must precede DATA
essage

"

قاسم أفندي said...

تصحيح
جدو - القهوجي - الأخوة الأعزاء
تم تعديل الايميل الخاص برام الله كذلك تصحيح أسم السيد مدير عام اليونسكو لوجود غلطات في ال
spelling
في الأسم كما كتب في الأصل
أشكركم لملاحظاتكم

المعتصم said...

السلام عليكم قاسم أفندي

شكرا لمرورك الكريم على مدونة العراق صوت المجاهدين . محاولة أنقاذ الاقصى هو فرض عين على كل مسلم ولكن أخي لي رأي هو أن ما سينقذ الاقصى هو الجهاد وليس هناك غير الجهاد وأن كان لا نقدر عليه الان على الاقل أن نربي جيل على الجهاد وحب الجهاد والا حتى أحساسك هذا لن تجده غدا أذا سارت الامور على هذا النحو في البلاد العربية فما يحاول أعدأنا ان يزرعوا فينا التفاهة و السطحية وحب الحياة حتى ولو كان على حساب ديننا وكرامتنا . بارك الله فيك على محاولتك
وجعلها الله في موازين أعمالك
أخوك المعتصم

Sampateek said...

غيرت الايميل
ها في اخبار؟
ربنا يكرم

تحياتي

قاسم أفندي said...

مكسوفة
أشكرك وانشاء الله نعرف نوصل صوتنا
_______________
واحد من الناس
أعتقد ان دي اقل حاجه ممكن نعملها
الله يخليك خف شوية في مدونتك احسن دي تودي لاظوغلي بالبريد السريع المستعجل ياما والله لو سألوني هأقول لا اعرفه ولا عمري شوفته :)
_______________
أنس عماد الدين
أشكرك وماشاء الله الناس استجابت بشكل مكنتش أتوقعه .. الدنيا لسه بخير برضه .. الكل عايز يتحرك ويعمل حاجه بس في انتظار اللي يحركه .. هانت انشاء الله ونصره قريب
_______________
سمباتيك
أنا عاجبني الكبير أكتر
:)
شكرا وربنا يخليكي
________________
فارس
مدونتك جميلة بس ملحقتش أقرأ كل البوستات قريت اخر واحد فقط انشالله اجيلك تاني واقرا كل حاجه
أشكرك لذوقك وكلامك الجميل
_________________
webyassine
أشكرك ونورتني

قاسم أفندي said...

شارم
شكرا وكتر خيرك
انا بعتلك اللينك بتاع اليو تيوب تاني علي ايميلك مش عارف بقي هيفتح ولا لأ
تحياتي
______________
جدو
نورتني وسعيد جدا بزيارتك وملاحظاتك
أنا كمان جالي نفس الرد وبناء عليه عدلت الايميل كمان كان فيه غلطة في الاسبلنج بتاع اسم مدير عام اليونسكو وصلحته الحمد لله
أشكرك واتمني اشوف حضرتك منور دايما عندي
________________
فريده
أنا اللي بأشكرك وباشكر كل الناس الجميلة دي والروح العالية اللي بجد لمستها عند الكل
_________________
راسبوتين - أيمن
أشكرك لزيارتك الجميلة ومشاركتك
انا علي فكرة من متابعي مدونتك بس مش باعلق كتير
عموما شرفتني واتمني أشوفك دايما

قاسم أفندي said...

طبيب نفسي
الموضوع ده عايز قعدة طويلة ومنفصلة
انا سجلت مدونتك عندي وهاقراها برواقة كده واحده واحده وارجعلك
نورتني
____________________
ZORDEAK
اشكرك علي ملاحظتك
تم التعديل المطلوب
نورتني
___________________
المعتصم
أشكرك وياريت أعرف أتكلم معاك كتير وتحكيلي عن اللي بيحصل عندكم لأن بصراحة محدش فاهم مين بيضرب في مين؟ بس للأسف الشديد كل يوم نسمع عن مئات القتلى ربنا معاكم ويمعتكم بالأمن والأمان
___________________
سمباتيك
جرس الباب بيضرب مش عارف هو المكوجي ولا أمن الدولة
:)
فيه أخبار دي محسساني اننا عصابة وبنعمل عملية سطو مسلح
بس بجد معرفة خير وربنا يكرم ويديم المعروف

ibn nasser - ابن ناصر said...

معك الله وكلنا معك يا قاسم افندس وهبعت المايل دلوقتي
اشكرك بشده

حمد العزري said...

السلام عليكم أخي الكريم

لقد قمنا بإرسال الرسالة
بارك الله فيك وجزاك كل الخير

3amrouch said...

c'est fait.
j'ai envoyer.
merci

3amrouch said...

j'ai recu ce mail en retour:
I'm currently out of the office. Please copy my assistant Ms Hala Tannous (h.tannous@unesco.org) for any urgent matter.

شادي فايد said...

اولا

انا اسف في التاخير في تنزيل البوست
بجد انا كان عندي مشاكل جامدة قوي
بس نزلته خلاص

ثانيا
انا بعت الرسايل خلاص
بس
مكتب رام الله
بعتلي
رسالة
Out of Office AutoReply

adam said...

انا معاكم

الدبور said...

علي بركه الله انا معاكم يا قاسم افندي

Hannibal said...

I wanted to bring your attention to an error in your post, you should have said an algerian blogger instead of a tunisian one.BTW have you read Al arabiya's news item???

.:.-=- ELGaZaLy-=-.:. said...

الله عليك بجد يا ايمن اول مرة اخش مدونتك بجد الله ينور عليك

el2ahwagi said...

ghayart el e-mail w wasal el7amdolellah . Insa2allah yegeeb nateega. walw en Fi maktab ramalla feeh auto-reply en Bechir Lamine mosh mawgood w 2ay rasa2el 3agela teroo7 lemosa3deto Hala .. ! ana hab3at 3ala e-mail elmosa3da bta3to kaman damanan lewosoolha fi gamee3 ela7wal .. rabena m3ana ..!

shokran 3ala maghoodak

أغلو said...

اليهود لعنـــــــــة الله

يعقــــوب .... said...

معاك لحد منشوف أخرها إيه

Memo said...

كلنا هابعت يا ايمن
و تحياتي لكل اللي هيساعدك في اقتراحك

tazart said...

صوتي مع أصواتكم

Sampateek said...

هايل النتيجة مرضية
ربنا يوفقكم جميعا

35L said...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

bonboni said...

اولا انا اول مره ادخل المدونه بتاعتك وده من حظى الحش اكيد عرفته من عند سمباتيك واللى شدنى بصراحه موضوع الاقصى بس للاسف دخلت بعد يوم 3 يناير انا فعلا اسفه على نفسى انى مش لحقت اشارك معاكم بليز قولى ممكن اعمل ايه لتدارك الموضوع ده واتمنى انك تزورنى مرسى ليك وانشاء الله ربنا معانا

قاسم أفندي said...

حمد العزري
أشكرك وجزاك الله خيرا
_______________
عمروش
انا اللي بأشكرك وانشاء الله يجي بفايدة
انا أرسلت الرسالة للأثنين الاستاذ بشير والسيدة هالة
____________
شادي
أشكرك جدا يا شادي علي مشاركتك وحماسك
_______________
آدم
ربنا معانا كلنا
_____________
الدبور
واحشنا يا دكتور أسامة
_____________
hanibal
أشكرك علي التصحيح وقمت بالرد في مدونتك وأعتذر عن الخطأ الغير مقصود
____________
الغزالي
أحرجتني بكلامك الجميل ده والله.. نورتني
___________
القهوجي
كنت سعيد جدا بزيارة مدونتك الجميلة بس محتاجة أروح تاني علي روقان كده ..
____________
أغلو
اللي يلاقي دلع وميتدلعش يبقي أيه؟؟؟ ناس شايفانا نايمة قدماهم مش عايزهم يركبوا ويدلدلوا رجليهم كمان؟؟
____________
يعقوب
كلنا علي باب الله
_____________
ميمو
حمد الله ع السلامة من فوق الدولاب الأول
واشكرك جدا ثانيا
___________
Tazart
خطوة عزيزة
بس مش كفاية الصوت
المطلوب أرسال الرسالة إلي اليونسكو لو موافقة عليها
____________
رفيقة الكفاح سمباتيك
الصراحة مكنتش متوقع الأقبال والتجاوب ده كله ، أنا والله ما عارف أقول أيه بس الموضوع ده حسسني بجد أن الدنيا لسه بخير وفيه ناس كتيييييييييييييير أوي كويسة بس محتاجين مش زقة لالالالالا أشارة بس تكفي عشان يتحركوا .. انشاء الله بكرة أحلي مليون مرة من أمبارح
___________
35l
وعليكم السلام ورحمة الله وبركاته
مبروك الافتتاح وانشاء الله هاخلص الردود هنا وآجى عندك وأقص شريط الافتتاح معاك
نورتني
______________
bonboni
منورة وأهلا وسهلا بيكي
حصل خير متزعليش تقدري تبعتي الايميل للينوسكو وتنشري الموضوع عندك وتبعتيه لأصدقائك برضه .. محبكتش يعني يوم 3 مارس 2007 خلينا وراهم لحد منشوف رد فعل كويس منهم وربنا يكرم
هازورك حالا انشالله

قاسم أفندي said...

أشكركم جميعا وجزاكم الله خير
ويارب يكلل مجهودكم وتعبكم بخير
شكر خاص لكل اللي نشروا الموضوع عندهم وتعبوا
علي رأسهم طبعا رفيقة الكفاح سمباتيك
ربة السيف والقلم
بنوتة من وسط البلد
همسات
أحمد عمرو (أريدك أنثى)
أميرة البلطجية
رانيا - feelings
حازم جرار
حكايات فريدة
3amrouch (zig zag)
Zordeak أحمد فؤاد (مع نفسه)
وناس تانية كتير
واللي مبعتش الأيميلات ياريت يبعت لو يحب في أي وقت مش شرط 3 مارس يعني يبعت دلوقتي بكرة بعده بس بشرط انه يكون مقتنع بكده
تحياتي لكم جميعا

koukawy said...

انا فعلا عملت بوست بالموضوع و الرساله
و جزاك الله خير
و تعليقي الوحيد
ان الغرقان يتعلق في قشه

قاسم أفندي said...

شكر خاص جدا أيضا للصقر المصري صاحب مدونة الأغلبية الصامتة
وانا اسف نسيت أكتب أسمه فوق
بجد اللي اشتركوا كتير أوي كمان غير اللي انا ذكرت أساميهم دول
حاجه تفرح وتشرف
يارب يكلل مجهودكم بالنجاح

Anima said...

Done

إنـســانة said...

بجد جزاك الله خيرا
وربنا يجعله فى ميزان حسناتك يارب

eman said...

بجد خطوه مهمه جدا وكبيره وانا اسفه وزعلانه انى ما قدرتش اكون معاكم لانى قريتها متاخر وجزاك الله خيرا تحياتى والى الامام دائما

محمد النوينو said...

السلام عليكم ورحمة الله تعالى وبركاته
أشكرك أفنذينا على زيارتك أكيد أن غالبية الشعب المغربي تتضامن مع قضايا أمتها وكل لحظة وأنا واحد منهم أعبر في كل مناسبة عن احتجاجي واستنكاري بشدة لكل عدوان ولكن القضية هي ضعف هذه الأمة وهوانها نحتاج الى حملات وحملات لاستنهاض الهمم ومعالجة أسباب الهوان في أمتنا قبل أن نخوض أي معركة كيفما كان شكلها ضد العدو
شكرا مرة أخرى على زيارتك واصل التألق والدفاع عن همومنا

frozen love said...

رغم اني متاخر شوية..لكن معاك قلبا وقالبا

ده احنا حتى طلعنا ولاد فاجومي واحد من زمان وانا اللي ماكنتش عارف

Sampateek said...

يارب يكلل مجهودكم بالنجاح
امين

قاسم أفندي said...

انيما
انسانة
ايمان
محمد النوينو
frozen love
سمباتيك

أشكركم جميعا
ما ضاع حق وراءه مطالب

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影