Thursday, February 22, 2007

تحيا الوحدة العربية في الهطل

العربية نت ...
أكثر الأخبار قراءة: المطربة الشهيرة تجري عملية تجميلية لفردة ثديها الأيسر.
أكثر الأخبار ارسالا بالبريد: حسنة في مؤخرة النجمة المشهورة تتسبب لها في مشكلة مع عشيقها
أكثر الأخبار أثارة للتعيقيبات: بعشرة لاعبين فقط .. الأهلي يهزم الزمالك

وفي عالم المدونات، تلاقي مثلا مواضيع عناوينها من عينة: الجنس والحب، العضو الذكري، انا عايزة، قلعني اللباس اضافة الي عينات أخري علي شاكلة الدين للشيطان، أعبد نفسك، أكفر وأستريح من كل مشاكلك .. مثل هذه النوعية من التدوينات والمدونات تجد عليها اقبال غير طبيعي تلاحظه من خلال كميات التعليقات أو عداد الموقع إن وجد.. لأ وأيه تعليقات تفطس من الضحك، مثلا اذا كانت المدونة صاحبتها امرأة تلاقي اللي داخل يسبل والتاني اللي داخل يسيب نمرة موبايله والتالت اللي داخل يقول قال الله وقال الرسول يعني الموضوع قالب مسخرة تماما وأوعي تفتح بقك أحسن تتهم فورا أنك من أعداء حرية الرأي ومش بعيد تتشتم بالأب والأم والروح القدس كمان لو كنت مسيحي

ألذ اللذائذ بقي تشوفها فيييييييين؟؟ المسجات الجميلة اللي علي قنوات الاغاني من عينة:
أحبج وااااااااااااااااايد
أبحث عن مطلقة للصداقة البريئة
انا شاب عندي 14 سنة أبحث عن فتاة أو أمرأة للارتباط الجاد

نروح عالم الشات بقي نلاقي الحوار اللذيذ ده اللي سجلتهلكم من المسنجر
كازانوفا: حبيبة قلبي .. رحتي فين؟
كازانوفا: بتكتبي بالراحة أوي .. مالك؟
المتيمة: معاك ياحبيبي
كازانوفا: مش هتديني نمرة موبايلك بقي ولا تفتحيلي الكاميرا ولا حتى سوستة البنطلون
المتيمة: هههههههههئ ..اه بس اما اطمن انك مش بتحب حد غيري
كازانوفا: انتي حبيبتي وروحي وقلبي معقول حد يكون معاه القمر ويبص للنجوم؟
كازانوفا: الوووووووووو
المتيمة: النت بطيئة معلش
كازانوفا: النت دي هاضربهالك
المتيمة: حرام عليك متضربهاش دي هي اللي عرفتني بحبيبي
كازانوفا: يااااه بموت فيكي
> has been added to this conversation الواد الروش <
الواد الروش: مين ده؟
كازانوفا: مين ده؟
> has left this conversation المتيمة <

24 comments:

شخبطة ملوكى said...

والله عندك حق يا ايمن افندى
بجد اصبح الشباب العربى يلهث حول كل ما يحيط بالجنس وكما يصفون العرب ان العالم يتامل ويهتم بالجزء العلوى من الجسد بينما يظل العربى متاملا شاردا فى الجزء السفلى من الجسد.
ولول تتذكر اخى الحبيب فى مرة كنا بنتسلى و بنشوف فى الجوجل عدد المرات التى تم البحث فيها عن مصطلحات الاصلاح و الحرية و خلافه فى العالم العربى ووجدناها فى ادنى المستويات بينما الجنس و المراءة و اللواط و خلافه تشهد اعلى المعدلات فى منطقتنا
موضوع رائع يا ايمن بجد احييك عليه

الحقيقة غايتنا said...

لا اعرف اجدك علي حق ولكن ما الجديد كلنا ننقد ونشتم ونتهم وكأننا نحن اللي ماجبتاش ولادة في حاجة مهمة ازاي ابني

Ahmad Hegab said...

يا عم انت لو تابعت ال شرايط بتاعت القنوات الفضائية ممكن يحصلك حاجة فى دماغك

سوال على جمب بعد اذنك و اوعى تفتكر انى من الناس دول اللى انت بتتكلم عنهم

حسنة في مؤخرة النجمة المشهورة تتسبب لها في مشكلة مع عشيقها

مين النجمة المشهورة دى

هىهىهىهىهى

smraa alnil said...

هههههههههههههههههههه

ايه التدوينة العسل دي
انا اول مرة اجي فيها
بس والله عندك حق

بص يا سيدي بقي
الاول نسمع احلي صلاة علي النبي

الاول سيادتك هتخش علي الموقع دة

http://www.0zz0.com/index.php?pz=71532

حلو الكلام

المهم هتلاقي زرار مكتوب عليه
browse
هتدوس عليه يا ريس
وبعدين تختار الصورة اللي انت عايزها من جهازك ولما تختار الصورة هتدوس تحميل
هتلاقي عندك الصورة اتحملت وظهر لينكين
خد اللينك التاني بتاع الصورة كوبي
لحد هنا وحلو اوي كدة اهو صح

هتروح بقي سيادتك كدة للبروفايل بتاعك وتعمل اديت بروفيل
هتلاق عندك مكان للصورة هتدور عليه هتلاقيه
تقوم كدة مرة واحدة وتحط لينك الصورة دي
وتدوس save
وهوووووبا هتلاقي الصورة ظهرت

علي فكرة انا لسة عارفة الحاجات دي انبارح
واحدة بنت حلال برضه مدت اديها ليا وساعدتني
وفكت زنقتي في موضوع الصورة دي
اي خدمة عايزة المرة الجاية بقي الاقي صورة حلوة

hamasat said...

العزيز قاسم افندي
الحق كل الحق معك فيما كتبت ولكن دعنا نبحث عن الاسباب ومحاولة ايجادالحلول ولتطرح الموضوع بهذا الشكل ليتناقش به كل الزائرين لمدونتك لتعم الفائدة ونكون بنعمل حاجه بناءة جايز نفتح لبعض بعض الامور الغائبة عن بعضنا في الاسباب والحلول ايضا ويسعدني ان ابدا انا ففي اعتقادي اولا الوازع الديني
ما المفهوم الديني الذي ننشئ عليه ابنائنا معظم الاسر تعتمد علي حصص الدين بالمدرسه والناتج مع الاولاد لا شئ يذكر الا القليل
ثم الصداقه بيننا وبين ابنائناوهذا عامل بنفس اهمية تعليم الدين خصوصا من بدايات فترة المراهقه لانها بدايه تبلور شخصية الانسان في التعامل الصحيح مع نفسه والجنس الاخر وبداية الاحتكاك مع العالم من حوله لماذا لا نعلم اولادنا كل ما تتطلبه هذه الفترة من الفهم الصحيح لكل تغيرات الظاهريه لجسدهم والا نغفل التطورات الداخليه فهم بهذه الفترة شغوفين لمعرفة كل شئ وان لم تاخذ بيدهم انت سيلجاون للخفي والاصدقاء ومنها ينتج ما كتبت عنه لم لا وفي ديننا الكثير مما يساعدنا ان نشرح لهم من خلال ايات القران ومن الكتب الطبيه المناسبه لسنهم لم لا نعطيهم ما يحتاجون وبذكاء ندخل به ما نحتاج نحن ان نوصله لهم والتركيز علي ان كل مرحله استمتع بها كما هي لا تتعدي حدود مرحلتك المتاحه لك الان وابسط مثال اساله الرضيع قبل ظهور اسنانه ماذا يحدث له اذا اكل طعام الكبار ؟ كذلك الانسان اذا حاول ان يسبق مرحلة تطوره الطبيعي
الحقيقه الموضوع عجبني اوي وانا سخفت بالتطويل معذرة

SomeOne said...

هههههههههههههههههه
هههههههههههه
بقى أول مرة أزورك ألاقي المسخرة دي
هههههههههههههههههههههههههههههه
بس بجد معاك حق
أنا نفسي كنت بتشد للمواضيع ذات العناوين
من مثل هذه العينة

بس بعد خبرة طويلة في قرايتها
دائما مواضيع فارغة المضمون
العنوان هو كل شيء

Anonymous said...

:D


اجمد رسايل حب بقى تلاقيها على القنوات الدينية .. متدين يرغب في الارتباط من فتاة جميلة على خلق ..27 سنة .. طنطا.. طبيب طويل.. القامة

زهرة الاسلام ...ممكن نتعرف ؟

زهرة الاسلام : اختك في الله سميرة ..14 ش السكة بجوار محطة القطر .. بنها

سيف الحق: انتي مرتبطة؟

زهرة الاسلام :معنديش موبايل، ينفع رقم البيت؟

قاسم أفندي said...

طارق مملوك
والله يا طارق المشكلة انك متلاقيش غير الهيافة هي اللي بتجمع الشعوب العربية غير كده مفيييييش
أشكرك لمرورك وكلامك الجميل

أين هي الحقيقة
المشكلة يا عزيزي مشكلة ثقافية فثاقفتنا هكذا وتربينا وتعلمنا علي هذه الثقافة .. لو عايز الأمور تتصلح تعالي نغير ثقافتنا .. ممكن؟
أشكرك لزيارتك وأتمني روؤيتك دائما

أحمد
والله معاك حق، فعلا لو تابعت شرايط المسجات دي خمس دقايق أكيد هتصاب بتخلف عقلي واسرقبوط في النافوخ وده، بالنسبة للنجمة المشهورة اما حسنة فغالبا لما بتلاقي العنوان كده بيكون الخبر كالتالي: النجمة المشهورة فلانة الفلانية التي قررت الزواج اخيرا بعشيقها بعد قصة حب طويلة اضطررت لازالة حسنة كبيرة في مؤخرة كف يدها كانت تعيقها عن ارتداء الاسورة التي اشتراها لها عشيقا
شرفتني وأتمني أشوفك دائما

سمرا النيل
متشكر جدا جدا ربنا يخليكي يارب يطعمك ما يحرمك قادر يا كريم
ابقي تعالي بقي ومتقطعيش الزيارة اديكي عرفت العنوان اهو
هاخلص الرد علي المعجبين واجرب حالا
أشكرك

همسات
معاكي حق تماما فالتربية وتعليم مفاهيم الدين والحرص علي القدوة بلاشك أهم عوامل لتربية النشء حتي لا نصدم بتلك المهازل، الاباء والامهات والمدرسين كمان عليهم العامل الأكبر في مواجهة تحديات الفضائيات والنت والانفتاح
أشكرك لزيارتك وابقي طولي كل مرة لاني بجد سعيد بكلامك الجميل وارائك الناضجة
أشكرك

شادي
نورتني يا أحلي شادي مش كنت تقول انك جاي كنت فرشتلك الارض رمل ولا رد كاربت مثلا
أشكرك والله كلك ذوق

عبد الرحمن
والله فطستني علي روحي من الضحك بزهرة الاسلام وسيف الحق بتوعك دول

أشكركم جميعا

MAKSOFA said...

بوست خفيف ولذيذ
ومباشر

-_- said...

طب اقولك ايه

اجميل تدوينة قرأتها النهاردة

انت جبت داء الناس في هذا العصر

و يا ريتها تيجي على كده و بس

بنوتة من وسط البلد said...


وشوفت كمان تريمومتر الحب

احمد وغادة انتوا لايقيين على بعض اوى بس كتير بتبقوا مش متفاهمين
وتلاقى العداد عاملك 50%

سمر وسمير انتوا كابل هايل بس لو سمير يبطل يجيب شعره على الجنب
وتلاقى العداد 60%

حسنية وحسنين مش هتنفعوا لبعض طول ما حسنين مهتم بالجاموسة اكتر منك يا حسنية
العداد 30%


هناء وكريم
لايقين على بعض انتوا الاتنين ستايلكوا كاروهات مشمشى وبرباط من الجنب
العداد 80%


مين دول ومين الى بيتكلم والعداد بيحسب على اى اساس مش عارفة بصراحة
والعداد الاهطل ده موجود على كل قنوات ميلودى هيتس وارابيا


ووصلتنى معلومة ان اعلى ايرادات بتحققها شركات المحمول عن طريق هذه الرسائل

وسلميلى سلامين وحتة على النظام وعلى القدوة وكمان سلام للمدعوءه الديموئراطية
انا طولت اوى معلش انا اسفة بجد
زى السكر قاسم باشا :)

Anonymous said...

فعلا عندك حق ، هو موضوع اصلا بيعصب قوى بالذات بتاع الرسائل الى على التيليفزيون زى سيف الاسلام على رأى عبد الرحمن ، عجتنى قوى ،
و انت كمان عرضت الموضوع بشكل رائع و مضحك جدا ،
انا كذة مرة ببقى نفسى ابعت لهم اشنمهم بس بستخسر فيهم ثمن المسج

قاسم أفندي said...

مكسوفة
كلك ذوق أشكرك
يارب دايما منوراني

شارم
بجد سعيد جدا بزيارتك ويارب أشوفك دايما متكونش أول واخر مرة

بنوتة
مش عارف أقولك ايه فطستيني علي روحي من الضحك بالترمومتر ده وخصوصا حسنية وحسنين والجاموسة، فاتني ترمومتر الحب ده والله بس بتعليقك ده وكمان تعليق جادو بتاع زهرة الإسلام وسيف الحق يبقي الموضوع أكتمل، أقولك كملي الموضوع انتي في المدونة بتاعتك بس متنسيش تعملي ترمومتر بين قاسم أفندي ووسط البلد
ههههههههههههههههههه
ياريت تطولي كل مرة، بابقي سعيد وانا بقرا تعليقاتك اللذيذة دي

باكي
والله يا باكي المشكلة مش في نظام المسجات ده المشكلة في الهبل اللي بيبعتوا
منوراني يا قمر

كلبوزة لكن سمباتيك said...

ههههههههههههههههههه
ضحكتني بجد

Anonymous said...

هاى انا جيت
معلش مقرتش التحف الفنيه بتعتك بقالى كتير
بجد اسلوبك لذيذ قوى قوى
و خصوصا فى الشات
كازنوفااااااااا
و الهبل الى بيحصل على النت دة
ما علينا ما علينا
الى الامام دائما
حلوة الى الامام دى؟

Anonymous said...

اختيارات موفقة ، ومعبرة كالعادة
تحياتي
نهى محمود

Memo said...

هههههههه
يااااا انت مش من هنا و الا ايه
طبعا انت عندك بدل المثال عشره على الهراء الادمي اللي لسه شايفه ده بس بزمتك الوضع مش كدا بقا مقرف و بينكرر كيتر
و يجبر بخطرك ربنا دانا كان طلع ايماني في موضوع التعليقات ده
تحياتشيييي

قاسم أفندي said...

سمباتيك
أضحك للدنيا تضحكلك ..
عمالين نضحك أهو وبرضه الدنيا مبوزة تفتكري الدنيا خلاص بقت جبلة وبطلت تغير؟
ضحكنا كتير وهرجنا كتير ولسه برضه الهطل كتير طب نعمل أيه؟؟؟
______
رانيا
بسم الله الرحمن الرحيم
أنا بالنيابة عن نفسي وبالاصالة عن الجيران بأحب أشكر كل اللي وقفوا جنبي وشجعوني والي الامام وامجاد يا عرب أمجاد وفي هذا المحفل وبهذه المناسبة أحب أسمع أغنية بوس الواوا للاستاذة هيفا
______
نهي محمود
يا مرحبا يا مرحبا نهي محمود عندنا
دي خطوة عزيزة والله
أشكرك بجد علي كلامك الجميل وسعيد بزيارتك
__________
ميمو
معلش يا ميمو والله انا أصلي مش بتابع الحاجات أوي بس بأتفقع من ان لاخر واخر لان يعني هنعمل ايه بس عارفها الموضوع ده بيحسسني بجد بالعيل الصغير اللي مسكوه سماعة دكتور مثلا أهو احنا العرب العيل الصغير ده والتكنولوجيا الحديثة هي سماعة الدكتور .. شكلها لسه بدري علي ما نكبر
سلامة أيمان حضرتكم يا أفنظم

الدبور said...

عم قاسم
ازيك يا بيه
مش مطنش و لا حاجه بس تصدق بالله كنت علي بالي من كام يوم وكنت عايز ادخل و اكتب اي كومنت و اقولك شكرا علي الصور
وانت ياعم كمان بطلت تزورني ابقي عدي

تحياتي
الدبور

كلبوزة لكن سمباتيك said...

ميعادنا السبت 3 مارس و مفيش لوجو و لا اعلان للانضمام للحملة؟


متنفعش زعيم
ورينا الهمة

basma saghir said...

التفاهة ياقاسم بقت مستفحلة قوي فينا وياريت التفاهة وبس
تفاهة مع غياب الوازع الديني والاخلاقي تماما
الخلاصة ان احنا بقينا مجتمع من المغيبين عن الواقع

قاسم أفندي said...

دبور
ربنا يخليك يا باشا وانت بس تأمر
وبعدين أنا لاجئ عندك كل يوم بأشقر والله بس مش دايما الاقي حاجه أعرف أقولها
________
سمباتشيك
علم وتم التنفيذ انتشي فين بقي؟؟؟
________
بيسو
منوراني والله وحمد الله ع السلامة
بس خلي عندك أمل وتفائلي

شهيدة said...

بوست جميل جدا
خصوصا حكاية الشات على المحطات
عارف يوم الحرب على لبنان كنت أتمنى محطة من المحطات دي تحط حاجة تواسي الشعب المظلوم اللي بيتقصفن بس كان الشات السخيف الفارغ اللي بيزيد الشعب العربي تفاهة وسطحية أهم بكتير من بلد بيضيع بين أقدام الكبار والمسؤولين والدول العظمى
تحياتي

قاسم أفندي said...

شهيدة
منوراني والله بجد
فعلا للأسف معاكي كل حق
من قلبي سلام لبيروت