Friday, February 16, 2007

يوم الأقصى


دعا بعض المدونين العرب الي اعتبار يوم غداالجمعة يوما للاقصي الشريف ولهذا فقد اتفقنا علي بوست موحد هو صورة للمسجد الاقصي ولم نتفق علي صور محددة له ... شاركنا

وأرفق لكم هنا بعض الصور تعبر عن بعض أحوالنا .. وفي أنتظار مشاركاتكم وتعليقاتكم

أين المسلمون؟


بيتفرجوا؟ ولا بيقولوا لا حول ولا قوة إلا بالله؟



لو فيكو راجل يطلع لي برة





No Comment


No comment


أمير قطر يعرب لبيريز عن أسفه لعدم تقدم علاقات بلده مع إسرائيل



تقريبا محدش فاضي


مش فاضي ... بأقزز لب .. فيه حاجه؟؟؟؟

أكيد محدش فاضي خاااااااااالص


صبح صبح ياعم الحاج




25 comments:

Anonymous said...

بجد حكاية والي احلا من الصور الكومنتات بتاعتك

كلبوزة لكن سمباتيك said...

طيب محدش قال ليه على موضوع يوم الاقصى ده بدري
مش كنت تصفرلي

عايزين يوم تاني بقى
بس تقولوا من بدري


اخر صورة دي بتدل على اية؟
الراجل عايز الحمار يليفله ضهره و لا اية؟

ها؟

قاسم أفندي said...

كبير المتشردين
والله الصور لوحدها مش محتاجة تعليق بس كنت احب اسمع تعليقك عليها
نورتني والله واتمني اشوفك دايما

سمباتيك
انتي فين يا اوختشي من زمان؟ حمد الله ع السلامة ونورتيني والله
انا جاتلي الدعوة بالايميل ومشفتهاش غير يوم الجمعة
عموما احنا فيها حددي يوم تاني ونتفق كلنا، علي الله بس حد يحس ويتحرك
بالنسبة للصورة الاخيرة فدي برضه بتدل علي ان الناس مش فاضية الناس بتحمي بهايمها

بنوتة من وسط البلد said...


مبدع يا قاسم باشا كالعادة
واسمحلي اساهم معاك فى التعليقات

الصورة الاولى:
هذا هو مسجد الأقصى لمن يهمه الأمر ؟؟

الصورة الثانية:
يا أقصى فينك فينك
فى سور بينا وبينك

الصورة الثالثة:
الى هينطق .. هنعمله بانييه

الصورة الرابعة:
""وقف الخلق جميعا ينظرون كيف ابني قواعد المجد وحدي""

الصورة الخامسة:
الاتنين Copy & Paste
وفين طقم السنان يا بيضة

الصورة السادسة:
أمير قطر: والله من غيركوا مش عارفين كنا هنعمل ايه ؟


الصور السابعة:
وسع كده ياااد .. جاتكوا الأرف مليتوا البلد

الصورة الثامنة:
الجلسة الجاية هاتوووولى كااجو

الصورة التاسعة:
تيرام تيرام .. يا بنات بيروووت

الصورة العاشرة:
يا بهيمة الهنا يا ريتنى كنت انا

وطن ديموئراطى ديموئراطي يعني
مافيش صورة لشباب الهستك فستك الى شاليين هدايا الفالانتيين ؟؟؟؟

تحيااتى

قاسم أفندي said...

بنوتة
بجد تعليقاتك علي الصور ملهاش حل
هابي فلانطاين

كلبوزة لكن سمباتيك said...

الجمعة الجاية كويس؟
اعمل لوجو و نوزعه كلنا
يوم الاقصى الحزين


ها نقول اوك؟

شخبطة ملوكى said...

قاسم افندى بجد السيناريو الذى حاكه قلمك و خيالك رائع الجمال
كنت اتمنى ان البى النداء ايضا و لكن ضيق الوقت و عدم التحضير و الوقت لم يساعدانى ان شاء الله الدعوة القادمة باذن الله
اعتقد ان صورة الحمار ده اسقاط على اللى بالى بالك نفسنا نحميه ف الترعة عشان ربنا ياخده من البلهارسا وطبعا هانكون عريانين لاننا هانكون جينا الارض وجعناو اتعرينا خلاص
اتعرينا قدام العالم و قدام نفسنا
حسبي الله و نعم الوكيل

أسوور said...

صور حلوة تعليقات أحلى

وما بقتش تدخل عندنا

ماشى كبرت يعنى علينا ولا ايه

هو لما مدونة تفرقع صاحبها يعمل كدة

ماشى ..

Anonymous said...

صور رائعة فى ترتيبها و التعليق عليها بالرغم من الالم ان هو ده فعلا الواقع و انها مش صور كاريكاتير....

متشكرة قوى على عرضك عن تنازلك عن رئاسة حزب اللا فكر، انا سمعت الكلام و كتبت البرنامج بتاعى فى مدونتى و منتظرة رأيك بس انا ممكن اكفى بانى اكون نائب رئيس الحزب

قاسم أفندي said...

سمباتيك
أفضل نخليها السبت البعد القادم 3 مارس لأنه يوافق ذكري الأحداث التالية:
1949 اعتراف الأمم المتحدة بدولة اسرائيل
1982 - أقدمت مجموعة من الشباب اليهودي المتدينين على اقتحام المسجد الاقصى عبر باب الغوانمة, فتصدى لهم الحراس المسلمون وأصيب أحدهم, ولما حضرت الشرطة الاسرائيلية اعتقلت الحارس المصاب واستجوبت الحراس الآخرين.
2005 - افتتاح مصلى يهودي جديد جنوبي حائط البراق لليهود المحافظين يكرس السيطرة على المسجد الأقصى.

واهو برضه يكون قدامنا فرصة نجمع أكبر قدر ممكن من المشاركات

أيه رأيك؟

قاسم أفندي said...

طارق المملوك
باشكرك علي اطرائك وذوقك حبيب قلبي
انشاء الله تشاركنا اذا وافقتم علي 3 مارس
بالنسبة للحمار فخلي الحمار في حاله الله يسترك ومتحرجناش مع حديقة الحيوان

قاسم أفندي said...

ياسمين
صور حلوة وتعليقات أحلي وضيوف أحلي واحلي
فرقعة ايه بس وكلام كبير ده .. بالراحة عليا بعدين أصدق
وبعدين يا بنتي أنا لاجئ عندك كل يوم وانشاء الله هاشوف مدونة جوز صاحبتك قريب جدا بس دي عايزة قعدة طويلة شوية
نورتيني واشوفك دايما منوراني وليسقط عدو المرأة خمسية الف مرة

قاسم أفندي said...

باكينام
أشكرك والله أخجلتم تواضعنا ..
مبروك انضمامك للحزب وهاروح حالا أشوف البرنامج بلا تفكير بلا وجع قلب .. فرفش فرفش

eman said...

حلوه اوى الصور والتعليقات دى بجد جت فى وقت محتاجين كلنا نفوق فيه ونبص على العالم من حوالينا

الدبور said...

ايه الحلاوة دي
شويه صور في الجون
اخر صورة دي عاجباني اوي ممكن تبعتها ليا في ايميل المدونه بتاعتي
وشكرا مقدما يا قاسم افندي

قاسم أفندي said...

ايمان
منوارني يا جميلة
متتفائليش أوي يعني مظنش حد هيفوق .. بس هنعمل ايه بقي نطلع شوية الكبت اللي عندنا في ايه يعني غير كده؟؟

دبور
فينك من زمان يا باشا؟ متاخد غياب بقالك مدة؟؟ انشالله المانع يكون خير
انت متأكد أنك عايز الصورة الأخيرة مش اللي قبل الأخيرة؟؟
;)

قاسم أفندي said...
This comment has been removed by the author.
Anonymous said...

همه سايبين الصورة القبل الأخيرة ومركزين في الأخيرة ليه !؟ ظاهرة يجب تتبعها يا عمدة :D

قاسم أفندي said...

عبد الرحمن
الراجل برضه شكله مغري أوي بيني وبينك

hamasat said...

يا قاسم افندي الصور توجع اوي بس بقت زي الوجع المزمن اللي العرب عودوا جسمهم عليه وقلة منهم تحاول رفع الظلم لكن بالنسبه لنا هنا الوجع دي ضربة ساطور في القلب بينزف منها كل ثانيه خصوصا مع اسئلة ولادنا البريئة ليه بيحصل كدا للمسلمين
طب هما المسلمين ما عندهمش سلاح ,فلوس,شباب يدافع ايه اللي ناقص عندنا هارد اقول ايه ناقص الدين ياولاد وانا باحاول جاهده اعلمهم دينهم صح واعلمهم ازاي يعتزوا بدينهم وعروبتهم وسط زمايلهم في مدارس الغرب وازاي يقفوا لاي واحد يحاول يضايقهم لكونهم عرب ومسلمين
الحقيقه معادلة صعبة تنشئ اجيال تحاول تزرع فيها العزة والشموخ والاعتزاز واحنا في مستنقع من الوحل
ياتري احنا كاشخاص عاديين ايه اللي ممكن نعمله حتي نحفظ بعض حياء وجوهنا امام رب العالمين

Anonymous said...

ايه الحلاوة دي
صبح صبح يا عم الحاج

قاسم أفندي said...

همسات
باتفق معاكي اذا رجعنا للمفهوم الأشمل والأكمل للدين بقيمه وأخلاقه ومعاملاته بحسن الخلق والمعاملة بالحرص علي النافع والمفيد بالحرص علي الدنيا والاخرة وليس بالمظاهر والعبادات الشكلية والرياء
فالدين ليس لحية وجلباب قصير ونقاب ، الدين قبل هذا كله المعاملة وحسن الخلق
الدين ثقافة وحضارة
الدين قدوة
الدين خلافة الله في أرضه
الدين تأدية الأمانة
الدين البعد عن الكذب والنفاق
هذا هو الدين الحقيقي يكمله العبادات التي فرضها الله علينا لتذكرنا بديننا وأخلاقه وليس للمظاهر الباهتة
نعمل أيه لاولادنا .. ده موضوع كبير محتاج بحث ومناقشات طويلة، أنا أغلب الأوقات بحس أني مش عارف أعملهم حاجه للأسف
أشكرك لزيارتك الكريمة وتعليقك الرائع


Anonymous
دي حلاوة الرشيدي الميزان
أشكرك لزيارتك

kmam said...

قاسم افندي
طبعا مش حاضيف جديد لو قلت ان الصور دي شفناها كلنا لكن ليك السبق في تجميعها و التعليق عليها و ده كان شئ رائع ، اسمح لي اهديك صوره الانسه كوندي بعد ما عدلتها شويه ، يمكن تحب تضيفها للمجموعه، الصوره سارسلها لك علي ايميلك الخاص
تحياتي

Egyptian Falcon الصقر المصري said...

صديقي المحترم قاسم أفندي بيه :)

أولاً أحب اشكرك جزيل الشكر على زيارتك مدونتي واهتمامك بالتعليق وحثي على الإنضمام لحملة الأقصى، سيدي أنا منضم وسأنضم لأي جهود حثيثة وإيجابية لحماية المسجد الأقصى من أي اعتداء أو شر. سأحاول الوصول لمكان الحملة للتوقيع عليها

مدونتك جميلة وأسلوبك أكثر من رائع، والصور معبرة زيادة عن اللزوم لدرجة وجعت قلوبنا، بس هي دي الحقيقة وهو ده الواقع بآلامه وحقائقه المرة

كتير ناس بيسألوا وحيسألوا البداية منين، بداية التصليح منين. أنا شايف ان بداية التصليح من البيت، إصلاح النفس والعائلة والأصدقاء والجيران، هناك دور تعليمي وتربوي وتنويري لكل فرد منا يجب أن يقوم به في محيطه حتى يتحول إلى بؤرة ضوء في عتمة هذا المحيط وشوية شوية تزداد بؤر الضوء وتتسع حتى تبدأ في التلاقي وعندها سيعم النور محل العتمة والعدل محل الظلم والنظام والنظافة محل القذارة والهرجلة والإهمال

أشكرك جزيل الشكر على هذه المدونة الرائعة والموضوعات الهامة والأسلوب الشيق في التعبير. ولقد قمت بإضافة مدونتك الجميلة لقائمة المدونات المقترحة على مدونتي وأتمنى دوام التواصل بإذن الله

مع تحياتي وسلامي

قاسم أفندي said...

كمام
أشكرك علي الصورة وكلامك الجميل عايز أشوف جديد عندك في المدونة بقي متحرمناش من قلمك الجميل
__________
الصقر المصري
أشكرك جدا علي كلامك الجميل
يسعدني ويشرفني التواصل معك دائما
وأشكرك أيضا علي اضافة رابط لمدونتي المتواضعة
وفعلا معاك حق الموضوع يرجع في البداية الي التربية مع الاسف