Sunday, April 08, 2007

...إلي حيث ألقت


استلقي علي ظهره وأغمض عينيه مستمتعاً بصوت الموج يتلاطم من حوله، يدق هاتفه الجوال يفتح عينيه ليبحث عنه .. يتحسسه دون أن ينظر إلي الرقم الطالب، يلقي به بعيدا داخل البحر.. أحس براحة عميقة، شعر أنه لم يلقي بهاتفه فقط وأنما ألقي معه كل همومه، مواعيده، التزاماته، ديونه، مسؤلياته وعمله بل وأبنائه وزوجته أيضا وكل أعبائه التي طاردته وألقت به هنا .. هاربا... يطلق ضحكة سخرية وشماتة ليستمتع مرة أخري بصوت الموج ... وبذاته التي أفتقدها طويلا..
_____
مستوحاة من بوست خمس وخمسن كلمة لصديقي الرائع هاشم

31 comments:

A.SAMIR said...

هيــــــــــه انا اول واحد
صديقي قاسم افندي اللي معدش بيعدي على مدونتي المتواضعة ويقول لي رأيه
جميل البوست وسبحان الله
والله العظيم في الوقت اللي بقرا فيه البوست كنت بحضر لموضوع هكتبه عن الموبايل في حياتنا
توارد خواطر رهيــــــــــــــــــب
تحياتي وماتحرمنيش من الزيارة
ابقى شَقَرْ عليا

سكتم بكتم said...

قاسم باشا.إحساس عالي وسلاسة وطلاقة في التعبير.بس
أكيد صاحبك الي رمي الموبيل دة كان موبايلة 1100 بالكتيير ولا تلاقيه كان بيهنج وقارفه في عشته.أما إذا كان لا كدة ولا كدة فأنا متأكد أنه لبس الميوه وضرب غطس وراه وقعد ينادي علي وسط البحر.ياريت تشرفني بالزيارة ونبقي اصدقاء

bastokka طهقانة said...

يرمي نوبيل متكلف كذا ملتوش علشان يستمتع؟؟؟!!!!طيب كان عمله على الفيبريشن
ايه الظلم ده

ShAb 3AdY said...

خسارة والله الموبايل دا ياعم
طيب كان نوعه ايه بس ؟
موج بحر ايه بس
طيب كان ممكن يسجل صوت تلاطم امواج البحرو يسمعها من الموبايل
مش فكرة بردة ؟

ShAb 3AdY said...

خسارة والله الموبايل دا ياعم
طيب كان نوعه ايه بس ؟
موج بحر ايه بس
طيب كان ممكن يسجل صوت تلاطم امواج البحرو يسمعها من الموبايل
مش فكرة بردة ؟

ShAb 3AdY said...

خسارة والله الموبايل دا ياعم
طيب كان نوعه ايه بس ؟
موج بحر ايه بس
طيب كان ممكن يسجل صوت تلاطم امواج البحرو يسمعها من الموبايل
مش فكرة بردة ؟

بيسوو said...

ياريته اخدني معاه..محتاجة فعلا ابقى مكانه اليويمن دول
ده غير ان الصورة معبرة جدا وتسيل اللعاب لو كنت اقدر اقول كدة

hamasat said...

تعرف يا بخته انا شخصيا في اشد الحاجه لكل حرف من اللي اتكتب اني اعمله بس للاسف ما عنديش موبايل لسه
تحاتي للاحساس العالي جدا

Pakinam Nasser said...

مش عارفة انا حاسة حاجة تانية خالص ، انه ممكن يكون هيستمتع باللى عمله لمدة ساعات او ايام ، و لكن هيرجع يدور على همومه تانى لانها بشكل او باخر بتبقى سبب فى سعادته ، سعادته لمل ينجح فى شغله و لما دين يخلص و لما يسعد ولاده ، اعتقد انه هيشترى موبايل تانى بدل اللى رماه

Sampateek said...

اه لو نقدر نتخلص من المسؤوليات زي ما ممكن نتخلص من الموبيل

المشكلة ان المسؤوليات في مخنا و ده صعب نرميه في البحر
و لا اية؟

تحياتي

khaled said...

ليه كده طب هوا مين دلوقتى


صفحه بيضه فيها نقطه صغيره لو عملتها زووم هتلاقى مكتوب اسمه بس

قاسم أفندي said...

سمير
اولا اعذرني لانشغالي الفترة السابقة واتمني انك تكون بخير دايما
انا قرأت البوست عندك، بس الموضوع عندي مش عن الموبيل زي ما كتير فهمه الموضوع باختصار عن التخلص من أعباء الحياة والتي أختزلتها بفكرة بسيطة وكلمات قليلة في رمز الموبيل (الذي أكرهه ولا استطيع العيش بدونه للأسف الشديد)
تحياتي
*********
سكتم بكتم
أشكرك علي تشريفك لي وتعليقك
والله لما الواحد بيتخنق بيهون يرمي نفسه مش موبايله بس أيا كان بقي 1100 ولا حتي N73
:)
مدونتك جميلة
بس شكلك جت رجلك زينا وابتديت تتكلم في السياسة واحنا اللي هنفتن عليك
********
طهقانة
المشكلة علي ما يبدو انه كان 1100 بقي زي ما سكتم بيقول فمفيهوش فايبراشن
وبعدين انتي اصلا نظرا لكونك طهقانه أعتقد رميتي موبيلات كتير وخصوصا ان طهقان اللي شاريهم بقي يعني مش تعبانه في فلوسهم
:)
**********
شاب عادي
نورتني يا مان
:)
ايه الحركات والشغل الجامد ده بس شايفك منفعل شوية .. خلاص اقولك انت تطلع علي ابو تلات ودور كويس هتلاقيه مرمي هناك انشاء الله
:)
نورتني يا جميل
***********
بيسو
المكان رغم اتساعه الا انه لايسع شخصين .. اللي بيروح هناك بيبقي عايز يقعد مع نفسه ..
ينفع الواحد ياخد اجازة من كل حاااااجه ويتفرغ لنفسه؟
تحياتي يا ملكة الرومانسية الجميلة
************

قاسم أفندي said...

همسات
ناس كتير كده هتحسدك عشان معندكيش موبيل .. موعدكيش اني مش هاكون منهم
:)
أشكرك صديقتي الغالية ويارب يدي كل انسان اللي بيتمناه في الخير
********
باكي
ساعات أو أيام؟
تعرفي أوقات والله الواحد بيبقي نفسه يقعد مع نفسه ولو لمدة دقايق حتي مبيعرفش .. أكيد هيرجع .. بس نفسه في اجازة .. أجازة من كل حاجه
تحياتي
********
سمباتيك
أعتقد ممكن نخلص من كل الهموم لمدة محدودة، بعدها نرجع فريش عشان نعرف نواصل ونحل همومنا دي
كان فيه موضوع عن فيلسوف بيتكلم فيه عن حاجه زي كده ... بيقول تقدري تشيلي كاس فاضي في ايديك لمدة محدودة بس بعد فترة أيديك هتوجعك ولازم تنزلي الكاس من أيديك شوية وبعدين تشليه تاني .. والهموم كده برضه لازم الواحد يشيلها من دماغه شوية عشان يقدر يواصل ويشيلها من جديد
تحياتي
**********
خالد
منين بيودي علي فين
:)
نورتني
أشكرك علي زيارتك وتعليقك

Mohamed Hashem said...

تصدق بأيه ، و أنا باكتب بوست " خمسة و خمسون كلمة" ، كنت متأكد ان الموضوع ح يثير اهتمامك و انك ح تكتب حاجه..

أسعدنى ما كتبت بشدة ،أستأذنك فى أن أعيد نشر البوست فى مدونتى مع كتابات من اهتموا بالفكرة ، بالطبع لن يخلو الأمر من تعليق متحذلق لى لا يهم احدا على الأرجح و لكنك بالتأكيد تعودت على ذلك ..

أعتذر عن عدم انتظامى فى المتابعة و الرد و لكنك تعلم الظروف التى أمر بها هذه الأيام ، أعدك أن أعود بقوة بمجرد أن تستقر الأمور.

تحياتى و شكرا مرة أخرى.

Love & Feelings said...

يــــا يا ايمن شعور جميل اوي الي حصل ده تصدق ان لو فعلا الواحد عمل كده حايحس براحة بس المشكلة ان الواحد حتى لو رمى الموبيل عمره ما حيهرب من الواقع و الي حوليه من مشاكل و اهل و ديون و كمان بيني و بينك الموبيلات غاليه يا ايمن انا رائي اقفله احسن لفترة و خلاص او نغير الرقم لكن ارمي في البحر لا يا عم شكرا
عارف رائي و عارف حاقولك إيه كالعادة
في انتظار الجديد

ibn nasser - ابن ناصر said...

موضوع جميل قوي ..
تحياتي

قاسم أفندي said...

هاشم
الشكر لك يا رائع
فأنت من أوحيت بالفكرة
أعتز دائما برأيك
وبالطبع يزيدني تشريفا علي تعليقك هذا أن تنشر هذا البوست المتواضع لديك
وحقوق النشر محفوظة برضه
:)
نورتيني واتمني متغبش تاني كتير
********
أنجي
عارفة والله لو رميته كانت هتشيل الهم كنت أول واحد يرميه بس معاكي حق برضه يتقفل او الواحد ينساه بمزاجه في البيت
شرفتيني ودائما رافعة من معنوياتي بكلامك الجميل ده
*********
أبن ناصر
أشكرك وشرفتني وأعتز بمتباعتك للمدونة

Mohamed A. Ghaffar said...

الى حيث القت ، كانت جملتى الأثيره حيناً من الدهر توقفت عن ترديدها

حين علمت اننا ما لهذا خلقنا وحين تاكدت اننا لا نقدر عليها

فتوقفت

متغيرة شوية said...

الرغبة الأزلية لكل انسان كي يتخلص من همومه وأعباءه للأبد
لكن المؤس اننا نتقد تلك اعباء بعد هنيهة..فالحياة لا تكون بدونها

بنوتة من وسط البلد said...

العزيز الغالى ايمن باشا

طلعت اجازة لمدة اسبوع وقفلت تليفونى وضربتها صرمة

مش عايزة اقولك مدى الراحة والاحساس الفظيع بالانتخة قصاد البحر وانت مش سامع غير صوته هو بس وبشوف الموجة وهى بتجرى ورا الموجة عايزة تلحقها

وابقى مستنية تيجى موجة عالية علشان توصل لحد رجليا

وادفس ايديا الاتنين فى الرمل واحس بسخونتة وهو بيجرى بين صوابعي

واغمض عينى ساعة الغروب وارفع راسى للسما

واسيب النسمة الباردة تخبط فى تفاصيل وشى

واخد نفس عميق امسح بيه البلاوى الى مالية الرئة بتاعتى

وابص لاخر الشط واتخيل طرفة من الناحية التانية مين قاعد فيه

وارجع البيت الاقى 2432434 ميسد كول
و4454676 رسالة بيقولوا انتى مش بتردى ليه :)

وحشتنا يا فندم

eman said...

فعلا جميل لما تقراه تحس انك مكانه وسامع صوت البحر وتحس براحه كبيره اوى وكانك اتخلصت فعلا من همومك وعاوز تعيط بجد فعلا بحييك عليه رائع

Anonymous said...

ادعوكم للتضامن مع هذاالمدون المحترم عبد المنعم محمود ووضع الرابط الذي سوف يظهر في الصورة في مدوناتكم

http://www3.0zz0.com/2007/04/13/21/75620439.jpg

ALiaa said...

خليه يستمتع باللحظة دي... لأن بكرة هيضيف مشكلة لمشاكله انه لازم يدفع في موبايل جديد

شخبطة ملوكى said...

ايمن افندى
بجد رائعة و كلماتها القليلة هى سر الجمال الذى احسسته و الراحة التى شعرت بها معك
الايجاز و الموقف و الصورة الهادئة نقلتى لمحيط ما فى خيالى نسجت اركانه مع كلماتك
دمت رائعا

Sampateek said...

انت عامل اية؟
فين الجديد؟
يلا انشر

Memo said...

يا ايمن يا انانييييييييييي
ههههههههههه
بقا يوم ما تكتب قصه تبقا هاربان و قافل الموبيل

قاسم أفندي said...

محمد عبد الغفار
والله إلي حيث ألقت دي بتنفع كتير برضه .. فكر .. هتلاقيها شغالة معاك في حتت كتير ولا غني عنها
سعيد بتشريفك ليا يا افندم
**********
متغيرة شوية
شيء طبيعي واوفقك في كلامك .. بس الواحد مينفعش يعني لما الدنيا تسود في عينيه من كتر المشاكل ياخدله اجازة من دماغه؟
شرفتيني ونورتيني
*********
بنوتة
مش عارف أقولك ايه؟ يا بختك؟ مش مهم المليون ميسد كول والمسجات .. المهم ان الواحد عرف يطفي لمدة يستعيد فيه قدرته علي المواصلة دون الشعور انه تحول الي ثور مربوط في ساقية
اشكرك لكلماتك الرقيقة
********
ايمان
أشكرك .. نورتيني وشرفتيني
الاستجمام الفكري مطلوب جدا لمواصلة الحياة
تحياتي
********
مجهول
ربنا يفك سجنه يارب
********
علياء
ههههههههههههه
مظنش انه عايز يشتري واحد تاني .. كفاية اللي جاله من الاولاني
شرفتيني
************
طارق
أشكرك لكلامك الجميل يا شاعر
في انتظار بيتين شعر يوصفوا الحالة الجميلة دي
تحياتي يا اخي العزيز
*********
سمباتيك
صديقتي واختي العزيزة
انا بخير الحمد لله بس والله الدنيا مكركبة في دماغي كده شوية .. انشالله قريب الاقي وقت اكتب فيه حاجه جديدة
اشكرك بجد لاهتمامك
*******
مها
هذا الرقم مرفوع من الخدمة .. من فضلك لا تتصل هنا مرة تانية
ههههههههههههه
اخبار صحن الفول ايه؟

قاسم أفندي said...
This comment has been removed by the author.
smraa alnil said...

انا قريت البوست دة ومش علقت قبل كدة
استحاله

بس علي فكرة بقي
لما يفوق من اللي هو فيه دة
ويلاقي نفسه خد لطشة برد
هيلعن اليوم اللي فكر فيه يرمي الموبيل

دة بالشئ الفلاني يا جدعان

هو شبشب حمام هيرميه

قاسم أفندي said...

انجي
ههههههههههههه
يابنتي لما انتي دمك خفيف وزي السكر كده شايلة الهم في بوستاتك كلها تقريبا ليه؟؟؟
سعدت بمرورك وتعليقك

kmam said...

وسط هجير حرارة الشمس و الحراره المنبعثه من كل شئ محيط
،حفيف مكيف السياره الذي لا يمكن ان اسمح له بالسكوت ، رنات المحمول المثيره للاعصاب ، اللهاث بين موعد و موعد ، قائمة الالتزامات و الاماكن التي يجب ان اتواجد بها اضطرارايا و التي ادونها في ورقه صغيره اضعها بين عدادات السياره ، كثيرا ما اسرح بخيالي لاعيش للحظات في دور بطل تلك الاقصوصه الخمسه و خمسينيه ولكني اعترف انني لا املك الجرأه الكافيه لافعل ذلك