Saturday, April 28, 2007

الكيمي كيمي كا



كل يوم يمر بحياتنا مئات من البشر، بعضهم يترك علامات مميزة يمتد أثرها وذكراها حسب قوة تأثيرها سواء كانت بالايجاب أو السلب، والبعض الآخر لا تكاد تشعر به، ويمر بحياتك كخلفية (باك جراوند) لا أكثر ويكون تأثيره خاملا أو (نيوترال)!
قد يكون هذا هو السبب في استخدام مصطلح (كيمياء) علي العلاقة بين أثنين. فيقال (مفيش بينا كيميا) أي أن التفاعل بين الطرفين لا يؤدي إلي نتيجة ويظل كل من طرفي المعادلة علي حالته الأصلية بدون أي تغيير بعد عملية التفاعل، لكون أحد الطرفين (خاملاً) في تفاعله مع الآخر.
في أصل البشرية كان آدم – عليه السلام – ومن آدم خلقت حواء .. فكان أول التصنيفات البشرية .. ذكر وأنثى وكل يختلف عن الآخر بطريقة فريدة ومميزة أقرب ما يكونا كقطبي مغناطيس .. شمالي وجنوبي .. مختلفان جذريا ولكن منجذبان كلياً. (وقد يكون تصنيف الذكر والأنثى هو التصنيف الوحيد المطلق بين البشر وفيما عداه فهو نسبي). وإن كان هذا التصنيف لا يمثل – من الناحية الفكرية – أية دلالة ذات معنى، بمعني أنه يعتمد فقط علي النواحي الفسيولجية لا أكثر، إلا أنه معيار أساسي لا يمكن إغفاله!
ولكن هل فعلا لا يؤثر هذا التصنيف علي النواحي الفكرية؟ بمعني الا يوجد ارتباط ما –مهما كان ضئيلا – علي النواحي الفكرية لكون هذا رجلا وتلك إمرأة؟
ومن آدم وحواء جاء قابيل وهابيل .. فكان ثاني التصنيفات البشرية .. الطيب والشرير.. أخين شقيقين من أب واحد وأم واحدة، تعرضا لنفس البيئة فمن أين أصبح هذا طيباً وهذا شريراً؟ إذا الموضوع ليس كيمياء بقدر ماهو شئ ما داخل النفس البشرية يتحكم في صفات كل منا. فلو طبقنا نظريات الكيمياء علي قابيل وهابيل لفشلت.
في تصوري أن هناك عناصر داخل الأنسان (مثل عناصر الكيمياء التي تشكل جدول العناصر الاساسية في الكيمياء) تتكون هذه العناصر من مجموعة فريدة من العناصر التي ينفرد الانسان وحده دون غيره بها. وتحتوي النفس البشرية (أي نفس) علي كافة هذه العناصر مجتمعة، وإن أختلفت نسب تواجد هذه العناصر داخل كل انسان من شخص إلي آخر، وقد يختلف (الوزن الذري) أيضا لهذه العناصر من انسان إلي آخر.
الخير و الشر .. الذكاء و الغباء .. الحب والبغض .. الجاذبية و التنافر .. الرومانسية والواقعية .. الكرم والبخل.. الصدق والكذب، الوفاء والخيانة، النفاق الرضا الطمع ..
هل من الممكن كتابة جدول العناصر البشرية علي غرار الجدول الدوري للعناصر (جدول مندليف)؟
لماذا تقريبا لكل عنصر من هذه العناصر البشرية نقيض؟ .. الا يمكن دمج العنصر ونقيضه في عنصر واحد؟ بمعني أن الخير والشر مثلا ماهما إلا عنصر واحد ولكن يختلف (الوزن الذري) من شخص إلي آخر؟ بمعني آخر أن نسبة الخير إذا قلت عن حد معين تصبح شرا.
ولنطلق العنان للتفكير ونتخيل النفس البشرية تحت مشرط التشريح فنكتشف مثلا أن نفسية فلان تتكون من خمسة عشر جرام من الخير وتسعة جرامات من الحب وخمسة جرامات ذكاء وثلاثة عشرة جرامات رومانسية وسبعة جرامات كرم ... وأن نفسية فلانة تتكون من ثلاثة جرامات خير وتسعة شر وثلاثة حب وتسعة عشر كرم .. ثم تقابل فلان وفلانة علي كوبري قصر النيل الساعة الثالثة عصرا تحت أشعة الشمس لمدة نصف ساعة .. فتكون النتيجة مثلا أن فلان مسك فلانة ورماها من فوق الكوبري!
أعتقد أن الوصول إلي جدول للعناصر البشرية هذه سيفتح أبوابا أكثر من تحليل النفس البشرية ومعرفة الكيميا بين أثنين ..


عموما إذا صدقت نظريتي أدعوكم لتسجيل هذا الاختراع العبقري بأسم العبد لله وليكن (جدول قاسم أفندي) علي غرار (جدول مندليف) وهو
مندليف يعني كان أحسن مني في أيه يعني؟؟
مش الناس معادن برضه؟

أعتقد أن للحديث بقية ....

30 comments:

محمد عبد الغفار said...

ياه مندليف فكرتنى بالذى مضى

احنا هنسميه جدول قاسمديف ، انت بتجيب الأفكار دى منين

يا عم سيبها لله

Anonymous said...

انا افتكرت تالتة اعدادى اول ما شفت الجدول ، اعتقد ان من ضمن لذة الحياة اننا مش عارفين التركيبة و ده اللى بيخلى شخص يسعى لارضاء الشخص الاخر بكل الوسائل لكن لو كنا عارفين الوسيلة كان محدش هيفرح لما حد تانى يحاول يرضيه او يبسطه لانها هتبقى عاملة زى المعادلة ،
طيب انا عندى سؤال فى الكيمياء فى حاجة اعتقد اسمها مثلا عوامل التحفيز ال هى )catalysts) زى ال heat مثلا طيب فى النفس البشرية هتبقى ايه ،
موضوع شيق فعلا ..ان شاء الله كمان كام سنة كده يبدلوا جدول مندليف بقاسمديف

Love & Feelings said...

يا يا ايمن ده كلام كبير اوي و تفكير اغرب .. بس انا الي شايفاه او فهماه او حساه ان ربنا بيوفق بين الاشخاص دايما او بمعنى اوضح ان الواحد بيحس ان فلان و فلان مثلا فاهميين بعض اوي و مكملين بعض جدا لكن اتنيين اخرين مختلفين و مافيش اي نقطة تلاقي بنهم و اعتقد ان هي دي الكمياء الي بيقولوا عليها و ان ده بالفعل موجود فعلا في حياتنا و حولينا لو دقاقنا شويتنيين

افكارك بقيت غريبة اوي ..

في انتظار باقي الحديث الغريب ده الي اعتقد ان كل من سيقرائه دماغه حاتفكر و تلف

Esmeralda said...

احنا فعلا جزء كبير مننا ماده اللى اصلا هو التراب بس متنساش الروح اللى ميعرفش سرها الا ربنا
مرة قريت طرفه كده
عن المواد اللى فى جسم الانسان
الرصاصا ممكن نعمل منه كام قلم رصاص مثلا و الحديد و هكذا

كيميا!!!!!!
اعوذ بالله
ليه كدا

ابقي زورنى :)

قاسم أفندي said...

عبد الغفار
والله يا باشا كله علي الله بس ايه المانع في النظرية؟
والا ايه معني:
الأرواح جنود مجندة ما تعارف منها ائتلف وما تنافر منها اختلف
خالص تحياتي
************
باكي
معاكي حق أكيد طبعا العفوية في العلاقة بين أي أثنين خاصة في العلاقات الاجتماعية مثل الصداقة والحب والزمالة تكون أجمل بكثير لكن أذكر أنني درست شيئا ما يتعلق بالمحاكاه
Simulation
وهو عمل نموذج رياضي من المعادلات المعقدة لشخص ما بعد دراسة شخصيته جدا لتوقع رد فعله إزاء حدث ما
وتستخدم هذه الطريقة للقادة الكبار في الحروب مثلا لتوقع رد فعلهم إزاء عمل ما
إذا الموضوع مبعدش يعني
والله الموضوع ده كان غايب عن بالي وانا باكتب النظرية .. أقصد البوست
:)
بالنسبة للتحفيز فبرجاء الرجوع لكوبري قصر النيل الساعة تلاتة العصر حين ألقي فلان بفلانة من فوق الكوبري
أعتقد أن اللقاء لو كان تحت ظلال الزيفون ساعة الغسق مع اتنين لمون كانت المعادلة اختلفت تماما
:)
تحياتي
***********
جوجو
شوفي تقدري تعتبري الموضوع كله علي بعضه نوع من انواع الهلفطة اللي ممكن تقلب جد لو فكرنا فيها شوية أو علي الأقل صحيح بنسبة ما يعني أكيد مثلا التقاء شخص مستفز (يعني بيحمل بتاع ميتين الف كيلو استفزاز) مع شخص تاني بيحمل تلاتة طن عصبية والتقى الطرفين يقود كل منهما سيارته عكس اتجاه الاخر في شارع لا يسمح الا بمرور سيارة واحدة
أعتقد ان النتيجة طبعا معروفة
يعني حاجه زي كده مش بتأكد النظرية برضه؟
معلش بقي سامحيني لفيتلك دماغك
صباح الفل
********
ازميرالدا
معتقدش ان المقصود بالاية
(يسألونك عن الروح قل الروح من أمر ربي)
انه الواحد مياحولش يعرف تكوين النفس البشرية
والنفس غير الروح في الغة والقرآن
عموما أوعدك إني أقرأ أكتر في تفسير الاية
تعرفي ان فيه فتوي من عالم جليل بتحريم الكيميا فعلا ولا بتقولي اعوذ بالله كده وخلاص؟
انشالله هازورك قريب بس مستني اشتري زيارة الاول ميصحش يعني اول مرة كده ادخل بايدي فاضية
نورتيني

قاسم أفندي said...

Esmeralda
يا ازمرالدااااااا
اشتيريت الاتنين كيلو برتقان ورحت ازورك لقيتك قافلة الباب اصلا وبيقولي بالبنط العريض
Profile Not Available
أعمل انا ايه بقي في البرتقان ده دلوقتي؟؟؟

Memo said...

ورحمه جوز ام مرات مرات ابويا الي هيا امي مانا فاهما ولا كلمه من البوست ده

انت كنت علمي و لا رياضه و لا خريج ايه بالكلام المعقرب ده ما تقول انك اكتشفت حاجه حلوه وخلاص لازم بقا اللغات و التعقيد ده

اتفضل ابعت البوست بالعربي

شــــمـس الديـن said...

هههههههههههههههههههه


السلام عليكم و رحمة الله

علي فكرة- معلومة علمية - جدول مندليف غير مؤتمر العلوم اسمة الي الجدول الدوري الحديث لان اغلبية اعضاؤة كانوا امريكان و محبوش ان الاسم ينسب لاعالم سوفيتي زي بالطبط ما غيروا اسم البطرية الدائية الكهرابائية الاولي من اسم " بطارية جلفاني عالم ايطالي " الي البطرية الفولتية

ما علينا اساسا من اللت دا
علسان الناس متحلفش برحمة اوز ام عمة ابويا تاني

المهم بقي

انت معاك حق في كل ما قولتة
بس انا بسمي الاموضوع دا كيمياء الارواح

و ان كل ةواحد بيبقي حاطط نوعة شخصيا يرتاح معاها و يتأقلم معاها او شخصيات تعوض نقص فيه ... علشان كدا بينجذب اليها لا ارادية

بالمسبة لموضوع الاختلاف بين الرجل و المراة هو اكيد فيه اختلاف

بس مش راجع للرجل نفسة و لا للمراة نفسها
و لكن لاسلب التربية المختلف في بعض البيئات بي الفتيات و الفتيان ... و العادات و التقاليد ...و المفاهيم الثقافية ... و ان البنت متفكرش و يبقي محور حياتها الزوج و ما دون ذلك يذهب للجحيم ...كل دا بيؤثر علي انه يبقي فيه فعلا فارق بين الاتين و لكن مفيش شئ في الدنيا دي مطلق ... كل شئ نسلبي الا الخالق و المناهج الالاهية و الموت ...

خير

معلش اتكلمت كتير
من الاخر ... تدوينة حلوة و دماغ :)

hamasat said...

عزيزي ايمن احيي فيك ابداعك في التفكير
انت عارف ان كل صفات البني ادمين فعلا ليها جداول بس جداولها تندرج تحت علم دراسة الجينات وهو علم فيه ثورة كبيرة جدا وتطور سريع كل صفات تحدثت عنها ومالم تسعفك ذاكرتك بههو علم حي وبه العديد العديد من الابحاثفعن طريق هذا العلم يتم تحديد كل صفات الانسان الجيد منها والسئ فتحديد نوع المولود ان كنت تريد انثي او ذكر تحديد الاجنة قبل الولادة ان كانت سليمة وصحية او لا ولا يزال العلماء ناشطون بالعديد من الابحاث التي تجلب كل الخير للبشرية فهناك العديد من الامراض التي يمكن الوقاية منها عن طريق دراسة الجينات واستبعاد المصاب منها والحامل للمرض وينطبق علي ذلك باقي صفات البني ادمين يمكن في يوم من الايام مع استورار البحث نتوصل للجين الخاص بخفة الدم والجينات الخاصة بالاخلاق لنتمكن من تجنب كل الاخلاق السيئة في الاجيال القادمة
احييك علي افكارك البنائة حقيقي مبدع في افكارك
تحياتي

زحل الفلكي said...

بوست جامد بصراحة

تعرف يا قاسم افندي باشا لو فعلا الواحد يعرف الجدول ده من غير تجارب
بجد تبقا الحياه اسهل من وجهة نظري
يعني اللي تحبه تجيبله اللي يخلي عناصرة تخليه مبسوط
واللي مش بتحبه اهو تعاملة معامله خاملة يعني بدل متعاملة معاملة العناصر الغير مستقرة والمشعة

وهلم جر

بس برضه ممكن نوصل لجدول البني ادمين ده لو الواحد اهتم شوية باللي حوليه حيتكون عنده احسن جدول للتعامل مع اللي حوليه
واللا ايه

فكرتني بالكيمياء كانت احلى ايام

احمد عزام said...

عمدتنا الكبير
بيقولو كتير عن الناس النسجمه مع بعضهم ان في كميا بينهم
وبرضه كميا الجسم بتغير المود بتاع الشخص
وكمان ان اكلات معينه ممكن تغير المود
بس تصنيف الناس كميائيا دي فكره جديده
مش عارف ليه افتكرت العناصر الخامله اللي الواحد اصبح منهم
يا رب يا عمدتنا تفضل عنصر مشع كده علي طول

قاسم أفندي said...

مها
الف رحمة ونور علي جوز ام مرات خالة حضرتكم يا فندم
والله اولعلك في البوست اللي مضايقك بس ولا تزعلي نفسك انتي بس
تقريبا كده والله أعلم ان مفيش بينا كيميا
:))))))
مش عايزة مدرس كيميا في الفصل بتاع الكمبيوتر عندك؟
************
شمس الدين
أشكرك بجد علي التعليق والاضافة الجميلة
ومخبيش عليكي كنت مستني تعليقك عشان يهمني أسمع رأي أخصائي برضه
:)
بس بأختلف معاكي في نقطة واحدة ان الفرق في التفكير بين الرجل والمرأة مش بس بسبب البيئة أكيد الاختلافات الفسيولوجية بين الاتنين بتأثر علي طريقة التفكير بشكل ما
تحياتي
*************
العزيزة همسات
أشكرك علي تعليقك واضافتك الجميلة
بالرغم من اني مش متخصص يعني بس الجينات معتقدش ليها علاقة بالصفات اللي ذكرتها من حب وبغض وخير وشر وكذب ونفاق وخيانة وغدر .. الخ وهي العوامل التي تكون شخصية الانسان بالأساس، ولكن لها علاقة بالصفات الفسيولوجية مثل لون البشرة والعينين والطول والقصر وهكذا
لست علي يقين من ذلك وصححيني إن أخطأت
تحياتي وأشكرك
*********
زحل الفلكي
مش عارف والله يا زحل يا أخويا بس أعتقد ان الحياة مش هتكون سهلة بس انما مملة أوي برضه يعني ملهاش طعم .. ولا أيه؟
أشكرك ونورتني
************
أحمد بك عزام
أولا حمد لله ع السلامة من رحلة الابجرادنج وانشالله درس الكيميا ده برضه يكون مفيد في نفس الموضوع
بجد نورتني وسعيد بعودتك للأشعاع مرة أخرى بعيدا عن الخمول
:)
*********

Rania Lelah said...

ميمو حبيتى
و الله انا بردة
بس تقريبا الى فهمته انك ناوى تعمل جدول
:))))
حلوة موضوع الكيميا الى بين الاتيني الى على كورنيش النيل
فكرتنى بالذى مضى
اخبار الموقع الضلمة ايه؟؟؟؟؟؟؟؟
:)))))
تحياتى

eman said...

بما ان انا فى 2 ثانوى وواخده كيميا ومتعقده وواخده برده الجدول ده فاقدر اقولك نظريتك سليمه ميه فى الميه وياريت يدرسوهالنا بدل مندليف على الاقل هننجح فى الكيميا هوه انت صحيح خدت كيميا؟

قاسم أفندي said...

رانيا
كده هتسقطي في الكيميا يا رانيا
يا خوفي والله
شكلك محتاجه دروس خصوصية
أقولك هافتحلك انتي ومها دروس تقوية في الموقع اللي انتي عارفاه
:)
تحياتي يا جميل
**********
ايمان
أزيك
ربنا يوفقك يارب
بس اوعي الكلام ده يأثر علي الكيميا اللي انتي أخدتيها الله يخليكي
مش باين اني درست كيميا يعني؟ بس علي فكرة عمري ما حبيتها
نورتيني

حواء said...

شوف يا قاسم افندى انا مش فاهمة حاجة غير حكاية الكيميا دى اى اتنين بيحسوا انهم فاهمين بعض ومرتاحين لبعض من اول نظرة عين تبقى هى دى الكيميا ... صح كدة ولا ايه مش عارفة ؟؟؟؟؟

Anima said...

لطالما كنت أكره حصة الكيمياء
و لكن كما أقول لصديقتي ذلك الإنسان ليس شريرا 100 في 100 لابدة أن تكون به ذرة خير

بس فكرة الجدول عجبتني
تعرف كنت حاكتب حاجة بس نسيت ايه هي
لما افتكرها أرجع ثاني آسفة

hamasat said...

السلام عليكم اخي العزيز
انا اختلف معك في الراي فاقتناعي ان جميع صفات الانسان وليس الصفات الجسديه فقط موروثة ومحمولة علي كروموسومات كل انسان امسك اي اسرة وحاول تحلل شخصية الاطفال بها ستجد بينهم تفاوت في درجة الذكاء مثلا او طريقة تصرف طفل وقت الغضب لا اراديا يكون نفس اسلوب الام او الاب او اي شخص اخر في اي من الاسرتين
وحديث الرسول عليه الصلاة والسلام بما معناه ان تخيروا لنطفكم فان العرق دساس يؤكد وجهة نظري ومع ذلك انا اؤمن ايضا ان النفس البشريه خليط من العناصر الكيميائيه والموجات الكهرومغناطيسية وسبحان الله تعالي فرغم كل الثورات العلميه في شتي المجالات الا كل هذا لا يعد نقطة في بحر علم الله

AHMED SAMIR said...

يا سلام عليك ياسي قاسم افندي
ماكنش حد غلب
كنت هتلاقي دي اول وسيلة تع>يب عند الجماعة اياهم
بعد تشريح المتهم اكتشفنا ان عنده 30 جرام اخوان مسلمين و2 جرام وطنية و3 جرام ضد الفساد و100 جرام ضد النظام ل>ا قررنا اعدامه فوراااااا
تحياتي الحارة ليك

Esmeralda said...

اعوذ بالله من الكيميا كماده
متفكرنييييييييييش يا خويااصلى كنت علمى مجموع شامله يعنى علوم و رياضه

و ما اوتيتم من العلم الا قليلا
طبعا لازم الناس تحاول تفعم و تعرف بس قصدى ان فيه حاجات مش حنقدر نعرفها

انا بشجع العلم اواواواىىىى

برتقان!!!!!
يا سيدى يا سيدى

طيب و الله ممكن 2 كيلو موز اصلةى بامووووووت فيه

معلش خطأ فنى بس تعالى مستنيه الموزتقان :)

البتاع said...

انا مش حبة ابان كأنى حمارة فى القعدة يعنى

والله انا بحب الكميا والفزيا وهما ولود حيلال والله

بس يعنى ده مش بوست تبعته يوم كتب كتاب المعلم يعنى
واللا ايه؟؟

زقطط ياعم بلا كميا بلا بتاع

خلينا فى الاحياء اللى احنا فيها :-)

قاسم أفندي said...

بوسي كات
بالظبط كده هو ده اللي انا أقصده
بس بحاول أشوف سبب الارتياح بين الاتنين ده ايه
وباتخيل ان جوه كل واحد مجموعة عناصر بشرية من الخير والشر والكرم والبخل والحب والبغض .. الخ بمقادير معينة وتماما مثل الكيمياء عندما تلتقي عناصرك البشرية مع عناصر شخص آخر فقد يحدث تفاعل بينكما يؤدي الي هذه الراحة التي تتحدثين عنها
والله الموضوع سهل وبسيط .. بس ركزي انتي شوية وانشالله هتجيبي مجموع كويس
:))))
نورتيني
************
أنيما
فعلا كلامك صح وهذا ما أشرت إليه ، الخير والشر وكافة المشاعر البشرية ليست مطلقة .. ياريت تفتكري وتكتبي وتقولي لي كتبتي ايه .. بجد أنا شايف الموضوع شيق جدا
تشرفت بوجودك يا بنت المغرب
************
همسات
وعليكم السلام يا عزيزتي
أنا سعيد بفتح هذا الحوار ومتابعتك له ولا أري أختلاف بيننا في وجهات النظر فلاشك ان هناك ما يؤثر علي المشاعر البشرية مثل الصفات الوراثية والعوامل البيئية ولكنها بالطبع ليست الوحيدة مثل ما ذكرت في الموضوع كمثال قابيل وهابيل فلو كانت الصفات الوراثية وحدها هي المحرك لحصلنا علي نسختين متطابقتين خلاف الواقع
وهو ما دعاني أن اقول ان الخير والشر أو كل صفة ونقيضها ما هما إلا عنصر واحد يختلف عدده الذري من شخص إلي آخر
تحياتي الحارة
***********
أحمد سمير
ليه كده يا احمد ؟؟
ياعم انا بطلت اتكلم في السياسة
هي حتى الكيميا هنقلبها سياسة؟؟
وبعدين الموضوع ببساطة ان كيميا الاخوان مش ماشية مع كيميا الحزب الوطني.. يمشي الحال كده؟؟
نورتني وشرفتني يا جميل
***********
ازمرالدا
بصي يا أزأز .. تقدري تعتبري الموضوع لا يتعدى شوية هلاوس ليس الا يعني كلام نظري بس عاجبني وزي ما قلت يمكن تقلب جد وفي يوم من الايام نلاقي فيه تحليل جديد بيدينا نسبة الخير والشر والحب والبغض والكرم والبخل ... حد عارف؟؟
وبالنوسبة للموزتقال .. حصل يا فندم وشلته علي قلبي وجتلك بس لقيتك ناكشة شعرك وبتكلمي اومعة في الموبيل ومش فاضيلي بقى
انشالله اجيلك مرة تانيه تكوني عاملة موزابليه
:))
نورتيني يا سكر
***********
miss mentality
والله كان بودي انزل تهنئة كبيرة وابل الشربات واجيب صفين عوالم وفرقة حسب الله كمان بس للأسف نفسي غامة عليا وعايز أطرش بعيد عنك .. انشالله ابقي اروح ابارك في الاربعين
منورة يا غالية
**********

Anima said...

آه كنت عايزة أتكلم عن علم النفس

علم النفس يا سيدي ما يقدرش يدرس نفسية البني آدم

لأن مثلا فرويد ما كانش مسلم يعني مش حيقدر يعرف نفسية المسلم و ظروفه

دي وجهت نظري
بس بظن انه جدولك يمكن يطبق

Jaqueline Sales said...

I did not understand what he postou for account of the language differences, but vi that is of the Arab Emirates and shows a periodic table. You he is chemical? I am Brazilian, therapeutic occupational, and came to stop in several blogues friends and strangers because I have true allure for Egypt and neighboring countries. I wait a communication its. Debtor!



Je n'ai pas compris ce qui a posté pour le compte des différences d'idiome, mais vi qui est des Émirats Arabe et montre un tableau périodique. Tu c'est chimique ? Je suis brésilienne, thérapeutique professionnel, et suis venu arrêter dans plusieurs blogues amis et méconnus parce que j'ai vraie fascination par l'Égypte et pays voisins. J'attends une communication sien. Débitrice !

MAKSOFA said...

فعلا كيمي كا

صاحب البوابــة said...

اعجبني مقالك

لفكرته الطريفة

لكن نتيجته الحتمية ستكون

( فتكون النتيجة مثلا أن فلان مسك فلانة ورماها من فوق الكوبري!)

تحياتي اخي الغالي

قاسم أفندي said...

Anima
بأتفق معاكي جزيئا فالكمال في العلم لله وحده وما أوتيتم من العلم إلا قليلا
ولكن بالتأكيد أن هناك جزء كبير من الاكتشافات في مجال الصحة النفسية وهذا ما تؤكده نتائج علاج الكثير من الامراض النفسية من خلال هؤلاء المختصين سواء كانوا مسلمين أو غير ذلك
تحياتي
***********
keila, a Loba
Thank you very much for your visit and comment as well. I appreciate your friendship and interest in Arab civilization. I am also an Egyptian lives at Dubai. I am not a chemist but architect, wrote my thoughts about the relation and similarity between the chemical elements like those at the periodic table and those hidden inside the humans like welfare and evil.
Thank you and hope to see you here again
***********
مكسوفة
حمد لله علي السلامة ونورتيني
***********
صاحب البوابة
أشكرك وانشالله دايما أكون عند حسن ظنك

عماد محفوظ said...

الاخ الفاض قاسم
بعثت لك رساله من قبل ردا على رسالتك لكن يبدو انها لم تصل لأني مبتدئ في عالم المدونات، عموما لك جزيل الشكر على تعليقك.
ثانيا: انت قلت ان في علاقة بين قصيدتي ومدن الملح لعبدالرحمن منيف أنا منتظر قراءتك لهذا الموضوع كما وعدتني
ثالثا: انا اطلعت على مدونتك وهي بالفعل رائعه.. أما عن موضوع (الكيمي كيمي كا) برغم التعليقات الساخرة من الأخوة إلا أني متفق معك تماما، فيبدو أن الغربة بتصنع فينا شيء مشترك وهو اننا نشعر ببعضنا سريعا..
صحيح ان كل عنصر من العناصر اللي ذكرتها له نسبه عند كل انسان لكن كيف يمكن قياسه فهذا صعب، شيء آخر ان النسب قد تتغير من وقت لآخر تبعا لظروف الانسان وما يتعرض له من ضغوط، عموما الموضوع يحتاج الكثير من النقاش.
عماد محفوظ

audio incest sex stories said...

Stay on the line. He pointed a chiding finger inMikeys direction.
indian incest stories
women and stories of beastiality
free beastiality stories
free cartoon comic gay sex stories
aunt and niece lesbian sex stories
Stay on the line. He pointed a chiding finger inMikeys direction.

bondage sex stories said...

It was. Gingers face turned red she practically leaped for the doorway.
bdsm whipping stories
teen incest sex stories
free brother sister porn stories
incest sex stories free
dog penis sex stories
It was. Gingers face turned red she practically leaped for the doorway.