Tuesday, March 20, 2007

أرض النفاق










المدونة مغلقة حتى 26 مارس احتجاجا علي العبث بالدستور

32 comments:

قاسم أفندي said...

الصورة الأخيرة دي من جريدة الأهرام النهاردة
تعبير نواب "الوطني" عن فرحتم بتمرير "التعديلات"ء

Anonymous said...

عارف يا زعيم

ساعات بتبقى " أحا " كلمة مهذبة جداً لدرجة تخجلني وانا بقولها لما بشوف كم التعريص اللي بنعيشه ..خصوصاً في الأيام دي

زحل الفلكي said...

طب منجمع بعضنا وننزل نقول لأ

واهي محاولة حتى وان كانت غير مجديه

انا حنزل اصوت في الاستفتاء

زحل الفلكي said...

الصورة التانيه للأسف في بلدي
بورسعيد
وقت الانتخابات الماضيه

يعقــــوب .... said...

فب أغنية جات على بالي لما شوفت الحجات ده إسمها "عادي" لأنه فعلا عادي

محمد عبد الغفار said...

قاسم افندى

هو انت اتفاجئت باللى حصل فغضبت وهتتقمص حبه

مكله معروف مسبقاً ياريس

صدقنى متستهلش نتحرم منك

Memo said...

شوف ولاد الكدابه كميه النفاق الي في اليفط دي تحسسك ان دي بهجاتياالعظمي فعلا
منهم لله
تحياتشي

eman said...

ما دى حاجه طبيعيه امال كنت متوقع ايه احنا على راى عادل امام فى زمن المسخ واحنا نشرب بقى تحياتى

دينا فهمي said...

لما تقفل المدونة ايه اللي هيجرى تفتكر؟؟

Rania Lelah said...

دول كلهم وراهم مصالح
و الدنيا مصالح يا عم صالح
مش كدة و لا ايه؟ على راى فؤاد المهندس الله يرحمه و يرحمنا كلنا

basma saghir said...

هو انت اول مرة تعرف ولا ايه؟؟
ده طبيعي جدا الايام دي..بمعنى انت لو مكنتش مع...يبقى اكيد انت ضد..ومين عايز يكون ضد؟؟...اكيد ولا حد

bastokka طهقانة said...

ما عاش و لا كان اللي يلعب في الدستور

بس هم لعبوا فيه ازاي؟
اخدوه في حته ضلمة؟
و لا ساقوه حاجة صفرة؟

و حتقفل الدكانة ليه؟
افتح يا افندي و رش مية و عبر و لا يهمك

و لا حتريح يومين قبل ما يعكشوك و تنام على البرش؟

يلا مش مهم الجو اتحسن و اهي تبقى عطلة الربيع
--
على فكرة
نعم بالاجماع دي شتيمة
بس محدش واخد باله

ماتبقى تيجي

شخبطة ملوكى said...

ايمن افندى
مش عارف انا بضم صوتى لصوت الشباب
اكتب و انتقد و اصرخ مش عارف انا كنت محبط الصبح و كنت هاقفل الدكان برضه بس لقيت مافيش منها فايده
نكتب و نزعق و نصرخ كمان
يالا ياعم رش مايه و هات كوباية حلبه حصى بحليب اصطباحة

جبهة التهييس الشعبية said...

نوقع فين؟

جبهة التهييس الشعبية said...

تقدر تروح الاستفساء وتقول:

نعم

ايوة

ماشي

اوكى

لك حرية الاختيار

جبهة التهييس الشعبية said...

طيب شارك معانا في التظاهرة التدوينية

افتح اللنك ده وكوبي الاكواد ونزلها عندك


http://www.linux-fr34k.com/Soka/Blogger/Cod.rtf

soosa el-mafroosa said...

شكرا ليك لأنك أصلا فاكر الموضوع

أنا لسه باقول لزمايلي النهاردة هتروحوا الإستفتاء

بصولي كأني جاية من كوكب أورانوس

ibn nasser - ابن ناصر said...

بقيت ارض النفاق فعلا وانا بقول لأ لا للتعديلات الدستوريه
وشكرا لك يا قاسم افندي

Anonymous said...

هو فعلا كلنا محبطين و مكتئبين بسبب اللى حصل بس انا رأييى ان احنا مينفعش نسكت ، يمكن انا مش عارفة ممكن نعمل ايه بس على الاقل نعترض حتى لو كان اعتراضنا مجرد كلام على مدونة و لكن على الاقل هنعبر عن اعتراضنا

david santos said...

Hello!
Very, very nice. thank you
InsyaAllah

كلبوزة لكن سمباتيك said...

طيب و المتغرب زينا كده و عايز يستفتي يعمل اية؟

صحن فته و رز و شوربة و يديها؟
و لا اقرب بحر يشرب منه
و لا يرجع بلده في الصيف يلاقي مكتوب على بابها كانت هنا مصر و الان عزبة حموئة؟؟؟

حد يجاوبني

شــــمـس الديـن said...

لازم كلنا نروح و نقول لأ

لو كلنا روحنا و قولنا لأ اكيد هيعرفوا ان الشعب دا لسة بيفهم ... و قريب اوي هيشيلهم من اماكنهم ...

من رأي منكم منكرا فليغيرة بيدة و احنا بيدنا اننا نروح و نقول لأ

هذا اضعف الايمان

raspoutine said...

مش عارف ايه اللى ممكن يحصل تانى بعد التعديلات والتنزيلات
مش عاف
ربنا يستر

واحـــد مـــــن الـنـــاس said...

يا جماعة

لازم كلنا نروح ونقول لأ

يا جماعة ابوس ايديكم

ده اخر امل لينا

اخر امل ان يبقى لينا كرامة

bentfalestine said...

خيي , ما الصور هاي طبيعيه , ما دام في حزب حاكم و اتباع اله همهم السلطه و همهم مصلطحتهم حتلاقي صور نفس هاي الصور و اكتر , ما عنا بالانتخابات كانت في صور توازي بشاعه الصور. تحياتي الك و لكل القابضين ع الجمر احييكم

-_- said...

هو انت ليه مستغرب؟؟ هو اي حد بيؤيد مبارك يبقى منافق ؟؟

الصورة بتاعة ابن ابن مبارك دي في بورسعيد و كانت متعلقة في الشارع اللى ساكن فيه و الراجل ده تاجر و بيحب مبارك اوي

!!!

قلب أبيــض said...

السلام عليكم
أولا انا أسف انى هخرج عن الموضوع لان
ووأحب أدعوك الى ان تنضم معنا الى رابطة عملناها للعزاب
أنا عارف ان الوقت مش مناسب
والرابطة دى عملنا لها مدونة تسمى
( عاوز اتجوز )
ونأمل ان تشارك معنا بمواضيعك
وحاول مشكورا ان تنشرها بين اصدقاءك والفكرة هتعجبك ان شاء الله
وجزاكم الله خيرا

Anonymous said...

ياعم روق بلا حرقة دم خدلك سجارة بانجو تبقي تماااااااااااااام

قاسم أفندي said...

عبد الرحمن
اقتراح عظيم
ممكن نقترح بعد كده في الاستفتاءات الجايو وعليك خير ان نضيف خانة جديدة للتعبير عن الرأي
فلا ينحصر رأيك بنعم أو لأ فقط بل نطالب بإضافة خانة "أحة" .. أعتقد اقتراح جيد
**************
زحل الفلكي
شرفتني وأهلا وسهلا بك ..
أنا لغاية النهاردة الصبح كنت مع أننا نروح ونصوت بس دلوقتي مع أننا نصوت بس من غير ما نروح
تحياتي
*************
يعقوب
في اغنية أحلي بتقولك
أخترناك أخترناك
************
عبد الغفار
تصدق الظاهر اني اتفاجئت
والله كنت بافتكر الناس بتبالغ بس لما قريت التعديلات اكتشفت العكس
*************
مها
بهجاتيا ايه بس
مش يوسف بك قالك ما الدنيا الا مسرح كبير
انا عن نفسي باحب بونوكيو
*************
ايمان
نعيب زماننا والعيب فينا
شوفي الشارع مش هتلاقي حد بيفكر في الكلام ده خالص
**************

قاسم أفندي said...

دينا فهمي
ولا حاجه .. بس اهو فضفضة والسلام . منا قولتلكم من الاول اني مجرد أحمق
:)
************
رانيا
والله هي شكلها مسرحية وكوميدية كمان
ايمان بتقول عادل امام وانتي بتقولي فؤاد المهندس وانا بقول سيد زيان
:)
**********
بيسو
والله محد عارف مين مع ومين ضد والمسرحية باخت والجمهور حمض وعفن وريحته طلعت كمان
نورتيني
***********
طهقانة
عشان خاطرك هنفتح الدكانة الليلة ونرش مية ونعمل ليلة لأهل الله كمان
برش ايه بس حرام عليكي احنا في عصر الحريات
(لحد النهاردة الصبح بس)
:)
انشالله هازروك بس لما تصطلحي علي طهقان
*************
طارق
حاضر يا باشا يعني كل اللي خدتهم اجازة خمس ايام مدونيش فرصة باكتر من كده .. انت عارف السوا ني في ني
**************
نوارة
أنا جاوبتك عندك
شرفتيني وربنا يكرمك
مليش في المظاهرات
**************
سوسة المفروسة
هي بجد شكلها باظت
محدش عاد فارق معاه حاجه
لسه امبارح واحد صاحبنا بيقول انا زهقت من الكوكب ده
***************

قاسم أفندي said...

ابن ناصر
كله هيبان النهاردة
الحاجه الغريبة اني الظاهر معرفش في حياتي غير الاقلية مش عارف بقي الاكثرية اللي موافقين دول بيختفوا ازاي .. حاجه عجيبة
*************
باكي
انا اقولك نعمل ايه
نقدم علي هجرة لموريتانيا
منوراني
**************
دافيد
منور يا دافيد
انت رأيك ايه؟
**************
سمباتيك
حضرتك المغتربين اللي زيي وزي حضرتك ملهومش حق التصويت انا سألت في اخر انتخابات بتاعت الرياسة قالوا ان السفارات غير مهيئة .. الحاجه العجيبة ان في بند في المرحوم اقصد الدستور بيقولك ان المغترب جزء لا يتجزأ من البتاع وله ما له وعليه وما عليه يعني يجيله ويحط عليه من الاخر
بعد انتخابتنا بكام يوم كانت انتخابات العراق تحت الاحتلال والحاجه الغريبة ان سفاراتهم كانت مهيئة
ابقي سلميلي علي خالتي حموئة الله لا يسيئك
****************
شمس الدين
كنت باتابع النهاردة علي الجزيرة الاستفتاء والظاهر ان المعارضة كان عندها بعد نظر .. محصلة بعضها فخليها بكرامتنا احسن بقي ان كان فاضل لينا كرامة
**************
أيمن
هيبان اصبر كم يوم كده وهتشوف
الشرطة اصبحت مكان القضاء في التفتيش والانتخابات
العمال يدعقوا بجاز وسخ عشان الكام مصنع اللي فاضلين يتباعوا
مجلس الشعب يتحل والاخوان يغورا في داهية
كله هيبان .. يارب اطلع غلطان
*************

قاسم أفندي said...

واحد من الناس
متزعلش نفسك اوي كده .. معدش منه فايدة .. صحتك ياراجل
**********
بنت فلسطين
والله الصور دي بس عينة .. اللي حصل في مجلس الشعب ليلتها كان أحلي بكتير ... كله أكشن
ربك يسترها
منوراني بجد وعجبتني مدونتك وحبك لمصر
************
شارم
هو بيحب مبارك .. طيب
دخل ابن مبارك ايه؟
ودخل ابن ابن مبارك ايه؟
ما اذا كان بيحبه عشان قريبه مثلا ياخدلو كيلو شيكولاته ويرحلوا بيته ذنبنا احنا ايه؟؟؟
***************
كاستر
للأسف الدعوة جت متأخرة اتنااااااااشر سنة
:)
***************
مجهول
انا جدع
هئ