النهاردة فرحي يا جدعان

الظاهر البوست اللي فات زعل ناس كتير مني ، اللي قالك ايه ياعم السلبية دي كلها واللي قالك هتودينا في داهية ايه المظاهرة اللي انت عاملها دي واللي سأل ببراءة: هو كل من أيد الرئيس بقي منافق؟ وفي اللي خاف وقرر ميجيش يزورني تاني .. واللي قال حرام عليك متحرمناش من قلمك (ولو انه يعني قلم فرنساوي مضروب بيشحر وقرب يخلص ووالله ما اعزه عن أي حد!!) طيب اذا كنتم انتم يا اصحابي وحبايبي زعلتوا كده .. حبايبنا الحلوين في المجلس الموقر ممكن يعملوا ايه؟؟ عموما احتراما ليكم ونفاقا أقصد احتراما ليهم قررت أعتزل الكلام في السياسة واعيش حياتي بقي .. .. بلا دستور بلا اشتراكية بلا وجع قلب.
أول ما فتحت الدكانة دي والله كان غرضي أنشر عليها مؤلفاتي العظيمة من القصص الفاشلة، جايز الاقي حد يشجعني ولا يتبناني ويقولي الله الله يا سي محمد )علي رأي صديقي العزيز عبد الغفار(، و لكوني مجرد أحمق آخر (غيرك) يحسب نفسه أهم كائن في الوجود، ونظرا لأن الغضب حماقة يا حورية، فطبيعي طالما اني أحمق فكان لازم "اتحمق" شوية.. لكن ما علينا والله غفور رحيم .. ننسي اللي فات واحنا ولاد النهاردة .. واللي فات مات وفي ديله سبع لفات، ونصلي ع النبي ونفتح الدكانة من تاني عشان منزعلش حد مننا، ومش بس نرش مية، لأ ونعمل ليلة كبيرة كمان ورقص ومغني للصبح .. ونعلق الكهارب ونعملكوا صوان كبير و"مرسح" كمان وأجيبلكوا سنية شخلع تحيي الليلة كمان، وعلي رأي يوسف بك وهبي .. ما الدنيا إلا مرسح كبير... هئ .. أنا جدع

من صغري والله وانا غاوي مرسح .. من أيام جورج أبيض ومرورا بالريحاني ويوسف وهبي ... اييييييييه مفيش أحلي من الفن الجميل بس للأسف الناس دول مع احترامي ليهم بس دمهم كان تقيل أوي .. متخشبين كده وعايشينلي في الدور والفن رسالة ومش عارف ايه وواخدنها جد أوي وفاهمين نفسهم بيخترعو الذرة ياخي .. .. المسرح القومي عدًى عليه مثلا ماري منيب وأمينة رزق وسميحة أيوب .. تلاقي الواحدة من دول ملهاش علاقة بالانوثة ولا هاين عليها تورينا حتة لحمة ويوم ما تدلع تقولك "أنتي جاية أشتغلي ايه؟" ... يا سم
النهاردة أحلي من امبارح، الفن النهاردة اتطور نفس التطور الطبيعي للحاجة الساقعة .. وسنية شخلع أخذت دور البطولة المطلقة .. وهو ده الكلام .. رقص وشخلعة والجمهور مبسوط وبيسقف وبيرقص .. والله الله يا ست .. أعد .. أحسنت .... صحيح الجمهور بتاع زمان معدش معاه فلوس عشان يدخل يتفرج بس سمعت ان فيه شلة منحرفة قدروا يلموا من بعض ويشتروا كم تذكرة ويدخلوا يتفرجوا علي المسرحية .. أخوانا دول معجبهمش العرض وقال ايه عايزين ينزلوا سنية شخلع من ع المرسح ... ياخي هأو .. كان غيركم اشطر .. من هنا ورايح التذكرة يا معفنين بخمسمية جنيه وابقوا قابلوني لو عرفتو تدخلوا المسارح المحترمة دي تاني .. جتكو البلا مليتوا البلد .. جمهور واطي صحيح ومبيطمرش فيه قاعدة اهزلكم في وسطي لما وسطي اتخلع .. وريتكم اللحمة البيضا اللي عمركم ما شوفتوها يا جعانين لا ايام ماري منيب ولا غيرها، ضحيت بشبابي عشان خاطركم ومرضيتش حتى اتجوز... ويكون في معلومكم سنية شخلع مش هتبطل رقص ولا فن والبت الحيلة بنتي هتكمل من بعدي ده بعد الشر يعني لو جرالي حاجه .. واللي مش عاجبه يبطل هو فرجة ... !!
محدش يسألني أيه العلاقة بين عنوان البوست وسنية شخلع
تقريبا كده والله أعلم أنا أتخبلت في نافوخي

أرض النفاق

وقع هنا إذا كنت ترفض النفاق

http://www.petitiononline.com/kxqf4436/petition.html

المدونة مغلقة حتى 26 مارس احتجاجا علي العبث بالدستور

ننتقل إلي إذاعة خارجية

في نظرتنا لواقع الصراع العربي الاسرائيلي نجد أن الأمر لا يختلف كثيرا عن مبارة كرة قدم يصارع فيها الفريقين لكسب المبارة مع بعض الفوارق البسيطة.
ولنذهب بخيالنا بعيدا للإنتقال إلي إذاعة خارجية من استاد العربي الدولي مع الكابتن المرحوم محمد لطيف والبث المباشر لأحداث المبارة الدولية المرتقبة والهامة بين الفريق العربي والفريق الاسرائيلي فإلي هناك ...

***
فاصل إعلاني
****
أعشاب العنتيل
أعشاب تخلي الفتلة فيييييل
والضلمة قنديل
والفيل في المنديل
ومعادش في حاجه مستحيل
اشتري الاعشاب أوام ... ومتضحكش عليك المدام

بضمان الحاج مرعي أبو أشرف
***

سيداتي آنساتي سادتي .. كابتن لطيف يحيكم وينقل لكم أحداث المبارة المهمة والنهائية واللي الكل منتظرها من أكتر من ألف سنة واللي هيتحدد علي ضوئها أصحاب المركز الأول والأخير، طبعا كلنا عارفين نظام البطولة، بس هنعيدها بسرعة عشان اللي لسه جاي من برة ومكانش معانا. الماتش بتاع النهاردة مش من تسعين دقيقة، لا الماتش مفتوح لحد ما ربنا يأذن، علي ما تفرج يعني وبنظام خروج المغلوب، يعني اللي هيتغلب هيروح اذا كان لسه له بيت يروح فيه، واذا مكنلوش يبقي هيصيف.
الفرقتين نازلين أرض الملعب وشايف معام نازل طاقم التحكيم الدولي تحت اللي نازل الملعب "أنجاجيه" مع الفريق الاسرائيلي.
والجو جميل والدنيا ربيع والأمن حاجه تشرح ونظافة ونظام زي الفل وربنا يطولنا في عمرك يا ريس!
اذا كنت قاعد في المقصورة الرئيسية فهيبقي علي يمينك اسرائيل بلباسها الديني الأسود الواضح بالقبعة اليهودية والشعر المضفر، وعلي شمالك ويمينك وفي كل حتة هتلاقي الوطن العربي بدون لباس (أو بالأحري بدون ملامح، فهو مازال يتقاتل بين الدين والهوية والقومية والديموقراطية والليبرالية والمهلبية).
بيتكون فريق اسرائيل بالاحتياطي والجمهور اول عن اخر من حوالي 4 مليون. والفريق العربي (أو الفرقاء العرب) من بتاع 200 مليون يعني نسبة 50:1، واللي جاي من برة جديد ومش فاهم هيقولك الله يكون في عون اسرائيل .. أكيد هتشيل دستة النهاردة ...
طبعا كلنا عارفين أن فرقة اسرائيل عاملة معسكر مغلق من ايام الهكسوس، ومجهزين خطة مظبوطة من ايام برتكولات حكماء صهيون، ومظبطين الحكام ومعشينهم بدري من بونا أبتي وساقينهم فخفاخينا من فرغلي.
الفريق العربي مقضاش فترة استعداد خالص ولا عمل معسكر من أصله لأنه اتفاجأ بمعاد الماتش. وكان فاكر ان اللجنة المنظمة برئاسة السيد بلفورد بتهزر.. لما حددت أصلا معاد الماتش قبل تسعة وعشرين سنة وبالتحديد سنة 1917.
نظبط ساعاتنا كلنا الساعة دلوقتي قدامي علي شاشة الاستاد بتشير لـ 1948 .. اسرائيل سنترت، الظاهر الحكم عمل القرعة من غير ماحد ياخد باله، المهم الماتش بادي سخن أوي يا جماعة والكورة مع اسرائيل، واللعيبة العرب واقفين لسه في مكانهم مستنين صفارة البداية بتاعت الحكم، بس الحكم مصفرش وبيقول ألعب، اللعيبة العرب أتلموا ع الحكم بيحتجوا واسرائيل مكملة الماتش عادي وبتلعب والاستاد كله صفافير والحكم لسه بيشاور "العب" والكورة مع بن جوريون .. وبيشوووووط .. جوووووووون .. هنشوف الحكم بيقول أيه ... انا مش شايف حاجه من الناس اللي قدامي والفريق العربي وجمهوره كله ملموين علي الحكم اللي مصفر بيبسوا ايديه عشان ميحسبش الجون وكام طوبة هنا وهناك بتتحدف .. الماتش وقف تقريبا، ياترى مصفر جون ولا أوفسايد ولا فاول ولا ايه .. هنشوف ... اه مصفر جون يبقي كده واحد صفر لصالح اسرائيل في الدقيقة الاولى من المبارة. نتمني الجون اللي اتخطف في الدقيقة الاولانية ده ميأثرش علي همة لاعيبتنا ويكملوا الماتش بروح عالية .. هنشوف الإعادة في الاستديو التحليلي بين الشوطين
هجمات عنترية من فريق العرب بدون خطورة حقيقية علي المرمي وفرص ضايعة بالزوفة للفريق العربي و242 انذار لحد دلوقتي علي اسرائيل والفريق العربي معرفش يستغل ولا انذار من دول لحد دلوقتي بس ايييه الجمهور مولع نااار وعمال يشتم شتيمة أبيحة أوووي.
الدقيقة 1956 واسرائيل بتعمل تبديل .. هنشوف مين اللي نازل ... اوباااااا .. دي نازلة بالمحترفين اللي جابتهم مخصوص للماتش من انجلترا وفرنسا .. لعيبة اسرائيل كلهم والمحترفين بتوعهم كلهم في منطقة التمانتشر بتاعت العرب .. شوطة جامدة .. وصدة أحلي بترجع لهم تاني وبيجرب حظه وبيشوط تاني وبتتصد .. حارس المرمي وقع وشايف وقف مكانه خط الباكات ... وبترجع الكرة تاني مع اسرائيل جوه السيكس ياردز دلوقتي والفرقتين في حلق المرمي ودربكة والحكم بيصفر ... هنشوف حاسب ايه ... بتوع الاسعاف دخلوا وشايفهم شايلين حارس المرمي وخط الباكات كله عشان يتعالجوا برة .. والحكم حسب ايه؟؟ محسبش حاجه .. وهيعمل اسقاط تقريبا.. الحمد لله ربنا ستر في الهجمة اللي فاتت دي، صحيح راح فيها حارس المرمي وخط الضهر كله بس الحمد لله مجاش الجون ، وهنستأنف المبارة . وعلي ساعتي انا تقريبا الشوط الاول خلص والحكم بيبص في ساعته والفرقتين تقريبا اقتنعوا بالنتيجة ... وسامع الجمهور كله بيصفر والحكم مطنش وبيقول كمل لعب .. وشايف كابتن الفريق العربي طالع لوحده في هجمة عنترية .. وبيشوح بأيديه وعمال يشتم في لعيبة اسرائيل وبيجري لقدام داخل مربع العمليات لفريق الخصم وبقية الفريق العربي كله بيجري وراه من بعيد .. بس أيه ده؟ ده بيجري من غير كورة !! .. الله .. هي الكورة فيييييييييين؟؟ الكورة مع اسرائيل في حالة انفراد مع التلات خشبات بتوعنا وبتوع سوريا والاردن ... وايه اللي انا شايفه ده ... بيشووووووووط صارووووووخ بيقطع الشبكة ... والحكم بيصفر ... حاسب ايه يا تري؟؟ شايف اللعيبة بتوعنا بيعترضوا علي أنه أوفسايد ... هنشوف الحكم حاسب ايه ... ده مشاور بأيديه زي حكام الباسكت يعني ثلاثية .. والفريق العربي معترض والجمهور بيصفر وبيحمر وبيخضر ... والحكم بيقول الجون ده بتلاته وقرار الحكم نهائي .. يبقي الدقيقة 1967 و أربعة : صفر .. الكورة مع الفريق العربي وبيسنتر دلوقتي زي منا شايف من علي خط السكس ياردز بتاعه وباصاته تقريبا كلها مقطوعة وبيلعب ع المرتدة وابتدأ يسيطر ع الماتش لأول مرة في المبارة وهجمة حلوة وضغط عربي جامد وشايف الحكم ابتدا يلعب هو كمان مع الفريق الاسرائيلي .. وهوبااااااا شوطة قوية في حلق المقصات لا تصد ولا ترد وجوووووووووووووووووون جووون جوووون في الدقيقة 1973 من هجمة مباغتة يحرز الفريق العربي اول اهدافه ...

اعزائي المشاهدين في كل مكان مشاهدي راديو وتلفزيون العرب نعتذر عن قطع صوت الكابتن لطيف الله يرحمه ونواصل معاكم المبارة اللي بقت مملة أوي وبايخة وتقرف من خلال شاشاتنا المتشفرة واللي يعرف يفك الشفرة يبقي يجي يقابلنا

****
فاصل إعلاني تاني بس حزين شوية

****
النَّملَةُ قالتْ للفيلْ:

قُمْ دَلّكْني

ومُقابل ذلكَ.. ضَحِّكني!

وإذا لم أضحكْ عوِّضني

بالتّقبيل وبالتمويلْ

وإذا لم أقنَعْ.. قدّمْ لي

كُلّ صباح ألفَ قتيلْ!

ضَحك الفيلُ

فشاطتْ غضباً:

تسخر مني يا برميل ؟

ما المُضحك فيما قد قيلْ؟!

غيري أصغرُ..

لكنْ طلبتْ أكثر مني

غَيركَ أكبرُ..

لكنْ لبّى وَهْوَ ذليلْ

أيّ دليلْ؟

أكبَرُ منكَ بلادُ العرْبِ،

وأصغرُ منِّي إسرائيل
"أحمد مطر"

أحلى يوم .. الأقصى

اليوم من أسعد أيام حياتي، ولن أبالغ إن قلت أسعدها علي الإطلاق،،،
وصلتني رسالة من الأخ العزيز جدا ماجد جرار يبلغني فيها صدور التقرير الخاص باليونسكو، مشكورا لمتابعته نشر ماجد الخبر عنده في مدونته والمقتبس من موقع الجزيرةـ ومن خلال موقع اليونسكو وجدت أنا أيضا نفس الخبر،

والأجمل الرسالة اللي وصلتني من السيد بشير الأمين مدير مكتب اليونسكو برام الله:

Thank you for your interest.
Please find hereunder a statement by UNESCO concerning the Old City of Jerusalem.
You can read the full report by clicking on the following link:
http://portal.unesco.org/culture/en/ev.php-URL_ID=33477&URL_DO=DO_TOPIC&URL_SECTION=201.html


Best regards,
Bechir Lamine
Acting Head
UNESCO, Ramallah

وبالرغم من أن قرارت وتوصيات اليونسكو غير ملزمة إلا أننا ومن خلال نفس الروح العالية التي أتبعناها سنواصل حملتنا بإذن الله وتوفيقه لنصرة الأقصى،
وإليكم نص الخبر متبوعا بترجمة سريعة متواضعة مني إلي العربية: (ويمكنكم قراءة التقرير كاملا من خلال الرابط الذي تفضل السيد بشير بإرساله من خلال رسالته أعلاه)ء

“The technical mission that I had sent from 27 February to 2 March 2007 to the Old City of Jerusalem, which is inscribed on UNESCO's World Heritage List and on the World Heritage in Danger List, completed its technical assessment on the works conducted on the Mughrabi pathway leading to the Haram el-Sharif. The mission has submitted to me their Report accompanied by their recommendations, which I support,” declared the Director-General of UNESCO on Wednesday, 14 March 2007.
“These are the five recommendations,” he added: • The Government of Israel should be asked to comply with its obligations regarding archaeological excavations and heritage conservation in World Heritage sites such as the Old City of Jerusalem and, in particular, with Decision 30 COM.34 adopted by the World Heritage Committee in Vilnius in July 2006 on this matter.
• The Government of Israel should be asked to stop immediately the archaeological excavations, given that the excavations that had been undertaken were deemed to be sufficient for the purpose of assessing the structural conditions of the pathway. • The Government of Israel should then clearly define the final design of the access structure, whose principal aim should be to restore the Mughrabi pathway without any major change to its structure and shape, in order to maintain the values of authenticity and integrity of the site. A clear work plan thereon should be communicated to the World Heritage Committee in the shortest possible time.
• The Government of Israel should be asked to engage immediately a consultation process with all concerned parties, in particular the authorities of the Waqf and of Jordan, the latter having signed a peace agreement on 26 October 1994, and agree upon a plan of action before taking any further action and decision thereon.
• This process should be supervised by an international team of experts coordinated by UNESCO and involving in particular structural engineers, specialized in archaeological consolidation works, in order to ensure the most appropriate solution for the restoration of the Mughrabi pathway.
Mr Matsuura has decided to send this report and its conclusions to the Presidents of the Organization’s Governing Bodies, the President of the World Heritage Committee, and the Permanent Delegates to UNESCO.
The Director-General also announced his decision to convene an Information Meeting for UNESCO Member States on Monday 19 March 2007, in the presence of the expert members of the mission.

صرح السيد كويشرو ماتسورا مدير عام اليونسكو 14 مارس 2007:

المهمة الفنية التي أرسلتها في الفترة من 27 فبراير إلي 2 مارس 2007 للمدينة القيمة بالقدس والمعنية بقائمة اليونسكو للتراث العالمي و الأخطار المحيطة بالتراث العالمي قد أنهت تقييمها الفني للأعمال الجاري تنفيذها بمنطقة جسر المغاربة المؤدي إلي الحرم الشريف . قدمت اللجنة تقريرها مدعوما بالتوصيات التي أدعمها وفيما يلي هذه التوصيات:
من الضرورة مطالبة الحكومة الاسرائلية الاذعان لإلتزاماتها تجاه الاثار والحفاظ علي مواقع التراث العالمي مثل المدينة القديمة بالقدس وبخاصة القرار رقم 30 COM.34 الصادر من لجنة التراث العالمي بيونيه 2006
من الضرورة مطالبة الحكومة الاسرائلية بوقف الحفريات الأثرية فورا باعتبار أن ما تم القيام به من حفريات كاف لشروط انجاز الأعمال الانشائية للجسر
علي الحكومة الاسرائلية بعد ذلك تقديم التصميمات الهندسية بوضوح والتي يجب أن تهدف بصفة أساسية لحماية جسر المغاربة بدون أي تعديل جوهري علي هيكله أو شكله وذلك بغرض الحفاظ علي قيم الأصالة والتكامل مع الموقع بصفة عامة. ويجب التعاون مع مع لجنة التراث العالمي بصفة عاجلة وتقديم خطة العمل لها علي وجه السرعة,

لابد من مطالبة الحكومة الاسرائلية بالارتباط الفوري واستشارة كافة الجهات ذات الصلة وبخاصة هيئة حماية الوقف بالأردن. وفق اتفاق السلام الموقع اخيرا في 26 اكتوبر 1994 والاتفاق علي خطة العمل قبل الشروع في أية أعمال أو قرارات لاحقة.
هذا العملية يجب أن تخضع للاشراف مجموعة دولية من الخبراء بالتنسيق مع هيئة اليونسكو ويشارك بها بصفة خاصة مهندسين انشائيين متخصصين في أعمال ترميم الآثار وذلك بغرض التأكد من استخدام أنسب الحلول للحفاظ علي ممر المغاربة.

السيد ماستورا (مدير عام اليونسكو) قرر ارسال هذا التقرير والاستنتاجات المرتبطة به إلي السادة رؤساء المنظمات والحكومات وكذلك رئيس اللجنة الدولية لحماية التراث وإلي مندوبي اليونسكو الدائمين.

وكذلك أعلن السيد المدير العام عن قراره لعقد اجتماع معلوماتي للدول الأعضاء باليونسكو بحضور الخبراء الذين أعدوا هذا التقرير يوم 19 مارس 2007.

غربة

هب أنك تسكن مع والدك في بيت تفترض أنك تملكه أنت وأبوك وليس ملكا لأبيك فقط، وهب أيضا أن والدك هذا رجل مستبد أرسلك إلي أحقر مدرسة ولم يأتي إليك إلا بالسيئ والقليل من الطعام ولم يذهب بك إلي الطبيب حين مرضت، يعذب إخوتك الصغار، يفرض أتاواته علي إخوتك الأكبر منك سنا، يذهب بأختك إلي سوق النخاسة لمن يدفع أكثر، يبيع إخوتك الرضع إلي من حرموا من الأطفال.... إلي أن بلغت سن العمل فإذا أنت وحيدا لا تملك إلا القليل فلا أنت تعلمت كما ينبغي ولا أنت تتمتع بصحة جيدة حتى تواجه ظروف العمل وطبيعته الشاقة. فلم تجد أمامك إلا ما يعرضه عليك أبوك للقيام به من أعمال شاقة داخل البيت ليعطيك في نهاية يومك إذا أراد كسرة خبز. عينك تتطلع دائما إلي أقرانك من أولاد الجيران فأنت لست أقل من أي منهم بل تفوقهم ذكاءاً وقدرة علي العمل ولكن حظك العاثر أوقعك مع هذا الأب. تقرر بينك وبين نفسك التغيير .. تسهر كل ليلة لتقرأ وتتعلم .. تقترض حتي تتعلم وتتقن حرفتك في انتظار الهروب من بيت أبيك..
وفي لحظة ما قابلت جار لك فعرض عليك العمل معه بعشرة أضعاف ما يعطيه لك ابوك اضافة الي رعاية صحية وسكن مؤثث وفوق كل هذا ستعمل في مهنتك الحقيقة.
شردت بذهنك .. تربطك عاطفة ما بأبيك .. مهما كان قاسيا أو جائرا .. لا زلت ترتبط به إرتباطا غامضا مهما غصبك حقوقك أو ظلمك. لكن تتملكك قناعة في لحظة ما أنه بأسلوب تعامله معك هذا فهو يطردك من البيت الذي هو بيتك أيضا .. نعم بلا شك هو لا يرديني .. يطردني .. نعم أنا لست جبانا ولا هاربا .. أنا مطرود
تذهب إلي جارك .. تكتشف آدميتك التي كنت قد نسيتها طوال أقامتك في بيتك .. تتفوق علي أقرانك من ابناء الجيران وحتي أولئك الذين جلبهم جارك للعمل معه من كافة بقاع الأرض..
في لحظة تشعر بأهميتك تندم علي ما ضاع من وقتك في انتماء زائف تجاه بيتك الذي يفسده أبوك بتصرفاته المستبدة والطائشة .. تحار لا تدري ماذا تفعل ...ما بين الحنين إلي بيتك وأخوتك الذين لا زالوا بالأسر وبين الواقع الذي تعيشه الآن ...
تكره الغربة و تتمنى العودة ...
تبغض الفشل و تعشق النجاح ...
ها أنت قد عرفت قيمتك وقيمة عملك ومجهودك ووجدت أخيرا من يحترمك ... فهل تبيع هذا وتشتري قلبك الذي أبي أن يغترب معك وآثر أن يظل حبيسا مع من يحب حتي وإن ظلمه أو طرده؟

We are waiting for your reports

Old City of Jerusalem: return of the technical mission’s experts
UNESCO Official web site on 06-03-2007
http://portal.unesco.org/en/ev.php-URL_ID=36952&URL_DO=DO_TOPIC&URL_SECTION=201.html

The technical mission sent by the Director-General of UNESCO to the Old City of Jerusalem, which is inscribed on UNESCO's World Heritage List, completed its technical assessment on the works conducted on the pathway to the Haram el-Sharif.
This mission, conducted by Francesco Bandarin, Director of the World Heritage Centre, took place from 27 February to 2 March 2007. It was composed of Mounir Bouchenaki, Director-General of the International Centre for the Study of the Preservation and Restoration of Cultural Property (ICCROM), Michael Petzet, President of the International Council on Monuments and Sites (ICOMOS), and Veronique Dauge of the World Heritage Centre (see UNESCOPRESS 2007-16). The objective of the mission was to assess the nature of the activities underway concerning the Mughrabi Pathway, the access structure to the Mughrabi Gate of the Haram es-Sharif from the Western Wall Plaza. Other than the numerous contacts and interactions with all the concerned parties, the mission was able to accomplish a complete visit of the Old City of Jerusalem and all the different worksites. The mission report, currently under preparation, will be presented to the Director-General of UNESCO in the upcoming days. Thereafter, it will be made available to the Organization’s Governing Bodies as well as the World Heritage Committee.
-->

تحديث

ترجمة عربية

أنهت البعثة الفنية المرسلة من قبل اليونسكو أعمالها - والمعنية بالتراث العالمي - لدراسة الحفريات الأسرائيلية في الطرقات المؤدية للحرم القدسي الشريف.
تكونت البعثة باشراف من فرانسيسكو باندريان مدير مركز التراث العالمي ومؤلفة من منير الشيناقي مدير المركز الدولي للحفاظ والتجديد الثقافي و مايكل بيتزات رئيس المركز الدولي للاثار والمواقع وفيرونيك دواج من المركز الدولي للتراث في الفترة من 27 فبراير الي 2 مارس 2007
هدف المهمة كان تقييم طبيعة الانشطة التحتية من ناحية باب المغاربة للحرم الشريف من الجهة الغربية وساحة الجدار.
قابلت البعثة خلال مهمتها كافة الأطراف وأجرت كمية ضخمة من المقابلات، وقامت البعثة أيضا بزيارة كاملة للبلدة القديمة وكافة مواقع العمل.
ويتم تجهيز التقرير حاليا حيث يتم رفعه الي السيد مدير عام اليونسكو خلال الايام القليلة القادمة ومن المتوقع أن يتم توزيعه علي المنظمات الحكومية المختصة واللجنة الدولية لحماية التراث عقب عرضه علي المدير العام.

البيت بيتك

اتأخر ولا يهمك
عندنا لما تتأخر عن معادك فأنت بالتأكيد واحد مهم جدا

عند التانيين لما تتأخر عن معادك فأنت شخص مهمل ومستهتر

أكسر أجدعها أشارة
عندنا لما تكسر اشارة المرور فأنت واحد "فهلوي" و "جامد"ء
عند التانيين لما تكسر اشارة فأنت شخص مجرم

طرطر مطرح ما انت عايز
عندنا لما تبول تحت الكوبري فأنت "بتعمل زي الناس"ء

عند التانيين لما تبول تحت الكوبري فأنت "بتعمل زي الحيوانات

أسرق براحتك
عندنا لما رصيدك في البنك يكون من سبعة أرقام قبل قرار المدعي الاشتراكي ما يطلع بنكون طلعناك انت وفلوسك برة
عند التانيين لما حسابك بيوصل لكده أكيد هتتحبس

كل سنة وأنت طيب
عندنا بنقولك كل سنة وأنت طيب كل يوم مئة مرة (حاجه لله أو يعوض عليك ربنا)ء
عند التانيين محدش بيقولك "كل سنة وانت طيب" الا أول يناير

.

دعارة بعقد جواز
وعندنا كمان نديك بنت بكر شريفة تقعد معاك زي ما انت عايز تنام معاك وتطبخلك وتنضفلك بعدين ترجعها لما تزهق نها بخمستلاف جنيه بس

التانيين بيدلوك مومس بنفس المبلغ ده ولمدة ليلة واحدة بس ولا تقدر تطلب منها تمسح ولا تطبخ ولا حتي تنضف السرير اللي نامت معاك عليه

عندنا لما تسأل واحد علي عنوان عمره ما هيقولك ما أعرفش
وعندنا لما تعدي الشارع العربيات هي اللي تخلي بالها منك مش العكس
وعندنا كمان لما كلب سعادتك ياكل عيل صغير، العيل بيتحول لمجلس تأديب عشان اهله معرفوش يربوه
وعندنا كمان لما تمًوت بعربيتك عشر انفار هتلاقي اللي بيقولك فداك وبيروحك لأمك ويقولك فداك
وعندنا كمان لو ظابط الشرطة ولا حرس الاوتيل اللي انت نازل فيه ضايقك تقدر تضربه وتحط في بطنك بطيخة صيفي

في مصر البيت بيتك