Tuesday, June 19, 2007

تعالي

اليوم يجمعنا القدر،
لازالت كما تركتها منذ عشرين عاما، أحترقت بدفئها، رقصت طربا علي خفقات قلبها، هزتني رعشة جسدها، أخترقتنتي نظراتها، وأحتوتني أنفاسها

زهرةُ زادها العمر حمرةً
بل نبيذُ زاده الدهر خمرةً

قالت بهمسٍ: تخليت عني
انكمشتُ .. أكادُ أتلاشى ..تلعثم لساني ولم أجب
تابعَت بشوق: أنظر إلي عيناي
قُلت بأسى: أحترق
قالت بحسرة لا تخف أني رماد عمره عشرون سنة
تابعت بلهفة: لا تعتذر
جففت عرقي ولم أجب
أقتربَت أكثر وذُبت أكثر
أقتربت أكثر فأكثر وأكثر .. فأنصهرتُ وصرت عدم..
حاولت أن أتكلم، منعني كف يدها حين اراحته علي فمي

لثمت راحة كفها ..
وانحدرت دمعة يائسة ..

إيقاع صوت الندم الرهيب يردد كلمة واحدة تهز أعماقي .. غبي .. غبي ... غبي
لربما سمعِتها .. فهمست: عشرين عاما مرت ولا زلت تحبني .. لمَ تركتني؟
فضحتني نظراتي وأشواقي .. فضحتني رعشة يدي ... وايقاع يتردد .. غبي .. غبي .. غبي

إن كان يوم يمر بدونك أُقتل مرة ...
فكم مرةً قٌتلتُ في عشرين عاماً؟

لا ... لن أضيعك مرة أخرى

تعالى ....
نقتل العمر الذي قتلنا
نذيب بالحب أشواقنا
نذوب ونرضخ لقلوبنا
نودع الامنا .. نودع دموعنا
نلهب ليل الحب بأشواقنا
نشهد القمر علي ليلنا
كم سهر معك ومعي ... يبكي مثلنا
فليهنأ ذاك القمر بلقاءنا
وليقُبل النجوم مثلنا

تعالي تعالي فالليلة بدا عمرنا

20 comments:

kmam said...

يا تري مين البت عاوتشف اللي عملت فيك كده يا قاسم افندي؟؟
بس حقيقي نحنحه لطيفه ، ماشيه مع جو بافكر في اللي ناسييني و انا و العذاب و هواك
تحياتي
خالد

Bella said...

ماهذه الرقة والعذوبة
أكثر مايؤرق المرأة أن يبتعد عنها من تحب دون ان تعرف السبب
ومايحيرها ان يعود إليها بعد غياب دون ان تعرف السبب

ولكنها في أغلب الأحيان مستعدة للصفح والتسامح طالما القلب عاممر بالحب الصادق

تحياتي

basma saghir said...

احساس الندم ابشع احساس خصوصا لو اكتشفت انك كنت غلطان بس بعد فوات الاوان
النص عجبني جدا يمكن علشان بيوصف حالة ناس كتير...ويمكن علشان هو حلو ومكتوب كويس ويمكن علشان الاتنين

جميييييييييييل

Anonymous said...

ده مين ده ! العمدة بجد يعني ؟ وقال كل ما اوريك كلام في شكل أبيات تقولي روح لطارق .. اممممم ... مية مسا يا معنمي

Anonymous said...

أيمن
الناس صدقوا انك بتحب بجد ، خد بالك بقى احسن تطلعلك سمعة ...
أنا اقول : السجاير

احمد عزام said...

عمدتنا الكبير
لنتكلم عن الحب في همس.........ونهمس عن الحب بالعيون.......ونري الحب بالقلوب.......وتمتليء القلوب بالحب....يجري في الدماء.....وتهتف به مع النبض....احبك ...احبك...احبك
وما اجمل الرجوع اليه....هنيئا لمن عاوده حبيبه بعد سنين البعد

Love & Feelings said...

يا سيدي ياقاسم افندي على الغرام و الاشواق و الحب المتضفق ، و واضح ان عواتشف اسم على مسمى

دائما متجدد يا قاسم افندي
في انتظار المزيد من احداث هذه الاشواق الجميلة

كلبوزة لكن سمباتيك said...

يااااااه
الف مبروك
انت اكيد اشتريت غسالة جديدة
;)

تحياتشي

قاسم أفندي said...

خالد
انا أتفضحت يا خالد يا اخويا
بس سيبك انت
انا والعذاب وهواك دي دماغ عالية جداااا
*******
Bella
أشكرك لذوقك وكلامك الجميل
بس مقولتيش المرأة لما بتعرف السبب بتعمل ايه؟
;-)
********
بيسو
أميرة الرومانسية
أشكرك لكلامك الرقيق جدا أخجلتم تواضعنا
*************
عبد الرحمن
متاخدش في بالك يا باشا دي ساعة تجلي كده زي ما قال اخوك خالد فوق أخرة سماع عبد الوهاب وبافكر في اللي ناسيني
وبعدين يا أخي مين قالك مش جايز باتكلم عن مصر زي ما نوسة قالت؟ أو عن السجاير مثلا زي ما نهى بتقول؟
أفترضوا حسن النية بقي شوية
:)
************
نهى
أيوة يا نهي يا السجاير فعلا
مالاقيكش معاكي سجارة بانجو؟
**********
أحمد عزام
طبعا يا عم
انا كنت متأكد ان انت بالذات البوست ده هيعجبك خصوصا في حالة الابجرادنج اللي انت عايش فيها اليومين دول
بالتوفيق يا سيدي
وبرضه معنديش ليك غير البت بتاعت بوركينا فاسو
:)
***********
أنجي
شوية من نفسي بقي أحسن تفتكروا ان مليش قلب مثلا ولا مبعرفش اتنحنح زي المتنحنحين
انا بس كنت مستني الفرصة ومفيش فرصة احلي من مهرجان الصيف بقي
;)
أشكرك بجد لكلامك الرقيق
***********
سمباتشيك
أخص الله يكسفك
بترديهالي كده برضه
مااااشي
معاكي حق برضة انا اللي غلطت الاول وطلبت حلة المحشي
بس مين قالك علي موضوع الغسالة ده بجد؟؟

.:.-=- ELGaZaLy-=-.:. said...

قاسم؟؟؟

رئيس الجناح المعنوى فى التنظيم؟؟

بيحب كدة ..وبكل رقة يا حلاوة يا ولاد
-------------------------------
كم سهر معك ومعي ... يبكي مثلنا
فليهنأ ذاك القمر بلقاءنا
وليقُبل النجوم مثلنا

تعالي تعالي فالليلة بدا عمرنا
--------------------------

بقى القمر الى قعدت طوال عمرك تنظم حركتة علشان العمليات بتاعت المنظمة السرية ...ميتكشفش امرها كنت بتكلمة وبتحب وكدة؟؟؟

سيبك بقى من الى فوق ....


البوست بيقطر رقة يا قاسم بجد

حلو اوى

صحيح ولا اعرف فين باب

بنوتة من وسط البلد said...

قاسم باشا
ما كنتش اعرف انك عاطشفى ونحنوح للدرجة دى
بس مصر ايه بقى وبانجو ايه وغسالة مين

لحظة معايا يا فندم:

الو .. ايوا المدام .. انا فاعلة خير حضرتك
الحقى النحنوح اووه اقصد المحروس جوزك
طلعله ريش وشارخ على القمر

الحقى حصليه بقى انتى والاولاد بأول ميكروباص يقابلك على ناصية الشارع
وهاتى البطيخ والجبنة معاكي
علشان الافندى بتاعك عايز يتعشى


ايوا يا قاسم افندي
كنت بتقول ايه ؟؟؟؟؟؟؟
:)

ibn nasser - ابن ناصر said...

لا جميل جميل

تحياتي

Anonymous said...

قاسم افندى ، قالى كتير جدا ماقريتش لحضرتك و لما دخلت قلت اقرا اخر بوست فلقيته مختلف قوى لدرجة انى تخيلت انه منقول ،اسلوب جديد لم اقرا لك مثله من قبل و لكن تجديد رائع

قاسم أفندي said...

غزالي
ياعم تنظيم ايه وحب ايه بس متفهمنيش غلط الموضوع وما فيه ان عقبال املتك بعد صبر عشرين سنة الحمد لله ربنا اكرمني واشتريت غسالة
:)
الله يكرمك يارب كلك ذوق والله
منورني يا غالي

**********
بنوتة
ايه يا مدام خليكي محضر خير امال مش كده سيبنا نفك عن نفسنا شوية .. الله يكون في عونه
:))))

علي فكرة شكلك مش عاتشفية خالص
وده عملي اصطدام في النفسية علي اساس العاتشفة من ناحية الشمخ الجواني

وبعدين جبنة وبطيخ ايه بس؟؟ معندكوش حاجه حرشة؟

***********
ابن ناصر
تسلم يا غالي
منورني دايما والله
أشكرك لمتابعتك
*********
باكي
حمد لله ع السلامة ونورتيني من جديد
التجديد حلو برضه وبعدين بعني مش من حقي اتنحنح شوية ؟
;)
لقيت الكل عمال يتنحنح حواليا قولت اشمعني انا بقي
:))

Anonymous said...

لا لا لا لا لا لا
إيه ده ؟؟؟؟
على رأي جادو والله
قال روحوا لطارق
ده طلع بيزحلقنا كلنا على هناك
ممممممممممممم
جامدة جدا يا عمو
و على رأي الأخت
Bella
أكتر حاجة توجع المرأة الهجر من غير سبب
تحياتي يا عمو
زيد زيد

Rania Lelah said...

مفيش فايدة فيك ابداااااااا
انا قلت انت نفسك ارمى نفسى تحت عربية او اعلق نفسى فى مروحة
ماشى يا عم
:((
بس هقول ايه اكتر من الى اتقال هى وجعتنى علشان فعلا رقيقة جدا و عاتشفية جدا جدا
و عذبة جدااااا

قاسم أفندي said...

منى
أزيد ايه بس ؟؟؟؟
منتي شايفة اهو علي يدك الاخت الشاويش أركان حرب بنوتة وسط البلد قاعدالي ع الواحدة وبتعمل اتصالاتها
شكلك عايزني اتخلع
حرام عليكي ملكيش اعمام صبيان؟؟
:)

****
رانيا
انا والعذاب وهواك يا رانيا
(وش بيصوت ويلطم )
بعد الشر عليك يا جميل
الا المروحة الله يخليكي قولتلك انبوبة البوتجاز احسن ميت مرة
(وش تاني بيقول غطيني وصوتي ياما)
صباحك عسل

حسن ارابيسك said...

القصيدة حلوة بجد


أنت قلت في قصيدتك
تابعت بشوق : أنظر إلى عيناي
قُلت بأسى: أحترق
قالت بحسرة لا تخف أني رماد عمره عشرون سنة

وأنا إذا سمحت لي كنت أتخيلها هكذا
تابعت بشوق : أنظر إلى عيناي
قُلت بأسى: أحترق
قالت: لاتخف إن ناري عليك برداً وسلاماً
وعلى الأخرين جحيماً وعذاباً

البتاع said...

انا فعلا اول مرة اقرالك حاجة مرهفة الحس وفائقة النعومة كده

واااااااو يعنى

بجد واو

مش بقولك موسوعة؟؟؟

على فكرة كنت حنسى

مررتلك تاج :-)

Unknown said...





شركة تنظيف بالدمام
شركة تنظيف منازل بالدمام
شركة تنظيف فلل بالدمام
شركة تنظيف شقق بالدمام
شركة تنظيف مجالس بالدمام
شركة تنظيف موكيت بالدمام
شركة تنظيف سجاد بالدمام
شركة عزل اسطح بالدمام

شركة الصفرات لتنظيف المنازل