Saturday, June 16, 2007

أفندينا

ربك لما يفتح علي واحد في الكلام بيبقي فلة، صاحبنا ده بقي ربنا فاتح عليه من وسع .. النهاردة الصبح علي غيار الريق قاعد باشرب الشاي الصبح ومروق قلت أسمع نشرة الأخبار، لقيت افندينا طويل العمر يطول عمره وينصره علي مين يعاديه (هاي ... هئ .. أنا جدع) الظاهر كان عمال دماغ عالية لما صوت الدوشة وصله في شارم والولاد دول عملوله ازعاج مش مخليه يعرف ينام ... قال ايه راح متصل باخوه اولمرت عشان يسكت العيال دول ويعرف ينام ...
عفارم عليك أفندينا

7 comments:

حسن ارابيسك said...

أفندينا أفندينا أفندينا
هو العيب فيك ولا العيب فينا
أفندينا أفندينا أفندينا
كنت الأول منا واحد وف وسطينا
أفندينا أفندينا أفندينا
ايه اللي غيرك وقلبك علينا
أفندينا أفندينا أفندينا
طايح في الصغير والكبير فينا
أفندينا أفندينا أفندينا
امتى بكره ترحل ونودعك عالمينا
أفندينا أفندينا أفندينا

صاحب البوابــة said...

السلام عليكم

اشكر كل من تساءل عن غيابي

ووقف بجانبي في محنتي

تحياتي لكل شريف حر

قاسم أفندي said...

حسن باشا ارابيسك
منور يا باشا
والله افندينا شكله مطول ومش هيخلع قريب ولو حتي خلع سايبلنا شوية افندينات صغيرة هيكملوا المسيرة العظيمة
المهم ازيك انت عامل ايه؟
**********
صاحب البوابة
حمد الله ع السلامة وربنا يارب يرد الوالد بالسلامة ويصلحلك الحال
تحياتي

Ana keda said...

لا افندينا مطول اووووى اصل الناس دى ربنا بيطول فى عمرها عشان تكتر سيئاتهم ونهايتهم بتبقى سودة بجد

وبعدين افندينا يا ريته يبقى تركى يا ريت كنا اترحمنا شوية بدلما كله على عينك يا تاجر ويريتنا نرجع زى زمان احرار ومنرضاش بالغلط ويطلع رجل بجد ويقول لا
بس الظاهر مفيش غير افندينا وكرباج بيخرس اصوات الناس

مدونة رائعة

بنوتة من وسط البلد said...

قاسم باشا
ادى اخرة الى يشرب شاى الصبح وعلى رواقة
عارق لو بتشرب شابشتيكو ما كانش ده بقى حالك

وبعدين لو عايز تسمع الراديو اسمع نجوم اف ام .. هناك عاملين اعلان على حمامات سباحة جنان علشان تاخدلك غطس مع كوباية الفسكافية الصبح قبل الشغل

وسيب اسيادنا فى حالهم .. اشتاتا اشتوت

الملتقى said...

ندعوكم للمشاركة معنا فى
الملتقى
ملتقى ابداع المدونين
واراءهم ومواضيعهم
تسعدنا مشاركاتكم

البتاع said...

هههههههههههه

تلاقى الحشيش توريد اسرائيل خرم معاه فاتصل يطلب شحنة تانية واللا حاجة

بلاش نظلم الراجل
!!!!!!!

اىىىىى
سورى
مجرد انى قلت راجل كده ظلمته

انا اسفة ياافنديهم
هههههههههه

تحياتى قاسيم باشا